شاركي في النقاش

سجلي الدخول لإضافة تعليق.

التعليقات

1,994

  1. @sbh_alaayd_2

    فديت الشرقيه

    اصلا عندي احساس اني بكرر نفس السيناريو حقك :p واولد ليلة العيد او صبحه ههههههه

    الله يهون عليناا ي كرريم

  2. @mhlbyh_1

    على طاري البكريه

    أنا أول ولاده لي قالت لي الدكتوره إذا طلع دم أو كبت معك مويات أو صار معك طلق منتظم تجينا على طول

    عاد أنا في هالشرقيه لحالي مالي فيها معارف أبد

    وكان ثالث يوم من رمضان

    المهم بعد ما أفطرت حسيت فيه شي نزل معي رحت دخلت الحمام لقيته دم بني تقريبا

    وسكت ماقلت لزوجي عاد أيام الدلع لو بقول آه طار بي المستشفى

    المهم حطيت الشوربه والسمبوسه وتعشينا وقال بروح أصلي التراويح

    يوم راح وأنا أحس فيه شي نزل معي أكثر من اللي قبل

    رحت شيكت لقيته دم أحمر قلت شكلها ولاده

    عاد توقعون وش سويت تحسبوني رحت كلمت أمي أسألها الله يغفر لها ويرحمها وإلا كلمت وحده من خواتي

    لا ،،، جامده ومسويه فيها حرمه

    رحت تحممت وبعد ماطلعت أستشورت شعري وقعدت أحط مكياج على بالي أبي أولد وأنا مزيونه وكاشخه عشان أبو الشباب يشوفني بأصعب حالاتي حلوه

    وجا من الصلاه وقلت ترى بروح المستشفى شكلها ولاده

    قال ماشا الله وش هالرواقه وين الخبصه اللي يحكون عنها

    قلت يابن الحلال هذا لاقالوا لك دلع حريم
    على بالي مسويه الحرمه السنعه اللي مامثلي

    ورحت للمستشفى وكبت معي المويات ودخلوني غرفة الولاده وينفضوني بالطلق الصناعي الله لايوريكم وجاني عسر ولاده بغوا يحولوني قيصريه

    ومن الليل الساعه تسع إلى الساعه ثمان الصبح ماطلع ولدي إلا ثمان الصبح بعد طلعة الروح لإن وزنه أربعه كيلو

    المهم بعد ساعتين ودوني غرفتي وقلت للمرضه عطيني شنطتي وآخذ المرايه بسم الله والله إني إرتعت من شكلي شوشتي طايره وكحلي ومسكرتي سايله والسواد واصل لخدودي والله كني مسويه فيلم مرعب

    أخذت المسفع ولفيت راسي بلا كشخه بلا هم

    بس البكريه ماتتوقع الولاده الواقع غييييير

  3. @sbh_alaayd_2

    هههههههههههههههههههههههههههههههه

    تخيلت شكلك مهلبيه والكحل نازل وصااير كأنه هالات ههههههههههههه

    سبحان الله مع اني طولت ببكري وتعبت بس بنظري البكريه ولادتها اسهل من الباقين يمكن الجهل له دور ماتدري وش بجيها

  4. @mhlbyh_1

    لا والله ياصبوحه مامر علي ولاده صعبه مثل ولادتي بولدي الكبير

    تدرين أنا مشكلتي كبر حجمه كتوفه ماطاعت تطلع تدرين أغمى علي من كثر مادفعت ولاعاد فيني شده خلاص تخيلي من الساعه ثلاث ونص وأنا أدفع ماطلع إلا ثمان الصبح
    طلع راسه وصكيت على كتوفه

    سبحان الله ولدي هذا هو الوحيد من إخوانه ماعمره سمن ولازانت حاله أبد بعد ثلاث أيام من الولاده تفشش كلها مويات

  5. @skooon_allyl_1

    وطن عمري انا كدة بقالي شهر تقريبا ما انام نوم سليم وكل نومي مقطع

    نوني الف سلامة عليكي ما تشوفي شرر حبيبتي انتي وجنينك وطمنينا يا قلبي

تابعي تجارب أخرى من هذا القسم.