الموضوع مغلق

زوجي تزوج خلاص وبداها بظلم كيف اخلع نفسي منه بس/قديم

http://forum.hawaaworld.com/showthread.php?t=4120938
هذا رابط موضوعي الاول
واشكر كل من سالت عني في الخاص واليوم احتاج فزعتكم لاني كلمت كذا خبير ولامحامي او مستشار ماعبروني ولا ردوا

انا حابه استفسر هل يكفي اني اجيب برنت من البنك فيه كامل المبالغ اللي حولتها لزوجي في ان القاضي يخلعني منه انا ماابي طلاق ابي اخلعه خلع
تزوج بعد ولادتي باسبوع وسافر فيها برا المملكة شهر كامل رايح بها لسيشل ومورشيوس والمالديف وانا ماعمره ركبت معه السيارةًفي سفر غير مرتين خلال العشر سنوات قاهرني قهر لي الان مخلصه نفاسي ثلاث اسابيع وقبل الولادة عند اهلي مارفع جوال ولا ارسل رسالة ويوم ولدت الحمد لله عالسلامة حتى ماقالها يوم جا المستشفى المولودة ماتمم لها ولا حتى جا يشوفها ضعفت قبل اسبوع وكلمته وليتني مادقيت شايل بقلبه وحاقد ويقول انتي قلبتي الموضوع مادي وفضحتيني عند اهلي ويبي يقهرني زود قال انتي الخبلة الي تعطين لو قلتي لا ماغصبتك وقال كلام كثير كله تجريح واهانات وانه توه يدري ان الزواج جميل وانه مبسوط وناسيني تماما وقلت طلقني انا بعد بتزوج قال من بيقبلك بعد خمسه كلهم على بعض والمصيبة هي اللي متزوجها معها خمسة قلت لاتشيل بلقى واحد مثل اللي عندك وقال طلاق مو على كيفك انا اللي اقرر متى بطلقك وسكر بوجهي
انا ماني مستوعبة مجرد اني قلت ابي البيت القديم لي ولا ابيه ينباع قلب الموجه كلها وسحب علي وعلى عياله وابوي رافض تماما يكلمه يقول مالك طلاق انتي برقبتك خمسة وامه وخواته كلهم يحلفون لي انه دايم يسالهن عني ويقول راسلوها شوفن يبون شي وصدقت نفسي وصدقت خواته وامه وانصدمت بالمكالمة المشكلة الحين ان اللي شرا البيت دفع خمسين الف عربون والاخ حطها وفصل بها بيبان وشبابيك للعمارة الجديدة ويقول لاابوي باقي الفلوس تجيه في رمضان لان الشاري يبي يستلم البيت في شهر 10 ويقول بعطيها فلوسها وابوي خلاص قررمايفتح الموضوع معه ثاني مرة
انا اعرف شخصيتي مو رايحة اتحمل ابي اخلعه الكلام اللي قاله مو شوي وقال بعظمة لسانه انا بطلقك اصلا بس انا اللي احدد الوقت وزوجته الجديدة يحلفون ماكانها اكبر منه ومدلعته اخر دلع وش يبي فيني عاد اخر سنتين كانت مشاكلنا يومية لدرجة انه ترك الغرفة وطلع برا مايبي يشيل مسئولية ويبيني احمل واولد دايم
حتى عياله صدمني وصدمهم كنت اتوقعه مايعيش بدونهم والان مكمل له شهر ماجا ولا شافهم
بس انا بعرف لو رحت المحكمة بورق البنك والتحويلات يخلعوني منه ولا اقدر احلفه انه راعي حريم وقد تزوج مسيار ولا اقول للشيخ اني يوم تزوج ماعاد اقدر اقوم بحقوقه واحط اني ممكن اقصر معه
ابي لي مخرج واتطلق من نفسي مو على كيفه هو

180 تعليق 55,443 مشاهدة

شاركي في النقاش

سجلي الدخول لإضافة تعليق.

التعليقات

174
  1. يالغلا انا كان ودي اعلق على الموضوع بس قريت ومافهمت زين

    بس احس انك مندفعه على الطلاق بقوه قبل تنتظرين وتشوفين وش يصير

    على اي حال مايحس بالجمره الا واطيها

    الخلع يكفي انك تقولين للشيخ انك كارهته ولاعاد تقدرين تقومين بواجباته وبعد كذا ترجعين له المهر على داير مليم

    كل هلله ترجعينها له .. واذا وافق هو بيطلقك

    هذا اللي اعرفه .. واتصور هو ان درى انك رايحه تخلعيه بيطلقك من نفسه مسالة كرامه يعني

    هذا اذا كان منتي ماسكه عليه نكبه تعلمين القاضي فيها يختلف الامر

    اختي خلعت زوجها وردت له كل الفلوس ومبسوطه الحين

    اسال الله انه يسمح امرك ويربط على قلبك وييسر لك الي فيه خير
  2. @lg_1

    انتبهي لا تستعجلي
    كوني قويه وتصرفي بذكاء
    لا تقدمي على اي خطوه الا بعد تفكير عميق واستخاره
    شوفي ايجابيات كل موضوع يخص حياتك وسلبياته
    حطي في بالك العيال
  3. @roaa_2008

    صاحبة الموضوع
    طيب انا ماابي اعطيه فلوس ىش الحل
    اطلب طلاق ولا فسخ ولا خلع ماابي اعطيه
    معي ورق من البنك بكل تحويلاتي له خلال ست سنوات

تابعي تجارب أخرى من هذا القسم.