السلام عليكم ورحمة الله وبركاته
جائني سؤال لوحده من العضوات معنا وهذا سؤالها ..
خطبني ولد خالي كان متزوج بنت خالي الثاني وصار له منها عيال صغار , انا وافقت لعده اسباب اولها انه خلاص طلقها ثانيا العمر يجري وانا ماعدني صغيره , بس فيه موضوع ودي تكونون معي في الصوره بنت خالي كانت قبل طلاقها وبعده دائما تعايرني وتستحقرني يابنات اقسم بالله تدور الزله علي دوره ويشهد علي الله يعني حتى قبل مشاكلها مع طليقها هي متكبره عشان امها مربيتها كذا ولاننا مش قد المقام ..
اقسم بالله اني اذكرها كانت تفشلني عند الناس وتحقرني بشده مو تطنش لالا تفشلني قدامهم تقولي وش لبسك هذا؟؟
انت ليش ما تشربين؟؟
اكلي اقولها مابي غصب الا اكل
تفشلني بطريقه فضيعه عند الناس تبيني هي وخواتها خدامه عندهم اافففففففففففف
حسبي الله ونعم الوكيل عليها الله لا يوفقها
تدرون ليش شايله في قلبي عليها؟؟
لانها ماتنصحني بيني وبينها لالا , هذي تفشلني
افهموا
انا طيب وش ذنبي اذا انا طلعت لدنيا فقيره؟؟
وش ذنبي يوم ابوي مات وانا صغيره؟؟
على الاقل امي ماقصرت ربتنا احسن تربيه
يابنات لما الدنيا حدت امي بغت توضف فراشه في المدارس عشان تاكلنا انا واخواني لقمه حلال مو زي امها لما الدنيا ضاقت فيهم قاالت اطرد اهلك في معنى كلامها وراحت تفتن بين خالي وبين جدتي
انا شخصيتي شوي ضعيفه وهي دايم تصارخ علي عند الرايح والجاي
احس الحين جاء الوقت اللي انتصر فيه عليها ماراح اءاذي عيالها لكن بنفس الوقت بذوقها شوي من اللي ذوقتنيه يعني ماراح ارد على مكالماتها اذا اتصلت تطمن على عيالها ولا راح ارد على رسايلها اذا تبي تطمن تدق على طليقها او اهله واذا قالت شي برفع صوتي واقول كيييييييييييييفي
انا حره مال احد علي خص واقهرها
وش رايكم بنات؟؟
----------------------
خلصت من استفسارها جاء دوري انا تدرون ليش بعض البنات يرسل استفساره لغيره ومايبي عضويته تبان بسببكم انا كم مره تجيني رسايل يقولون ممكن تنزلين الموضوع بعضويتك؟؟ واقولها ليه؟؟ترد اخاف البنات يهاوشوني!!
بالله عليكم بنات اللي بتنصح تنصح بادب والا لا ترد ترى ماحد غاصبك على الرد
شاركي في النقاش
سجلي الدخول لإضافة تعليق.
التعليقات
68- يكفى طلاقها وفراقها عن عيالها اكبر كسر ظهر لها ماظنتى راح يطلع لها صوت ومن ناحية المكالمات منتى ملزومة تردين عليها تلفون ورقم محدد وعيالها يردون عليها بدون ما تسمعين صوتها ربي يوفقك في حياتك يااااارب ويسعدك بس انتبهى بدون شماته لها وانتقام عن طريق عيالها لان مالهم ذنب استمري في حياتك عادى نفس تربيتك ربي يسهل لك
- ربي أخذ حقك منها بس لاتاذيها خلك احسن منها
سبحانه ربي يمهل ولا يهمل
بس ترى ممكن هو ساس المشاكل لاتشمتي ماتعرفي نصيبك كيف حيكون وبي يوفقك ويعوضك خير عن ايامك الماضية ويجعل الجاي احلى - تتزوجة ،، يمكن ربي أراد خيره لهم او ان الله سبحانة وتعالى يبي يأدب الأولى وترجع لعقلها لعل فيها الخير لكن أمها أفسدتها ،،
وإذا كلمت تسأل عن عيالها لاترد منها تحرجها بطيبها وتكبر بعين زوجها وخلاص يكفي لها حرقة انها أخذت بيتها وزوجها ،،
الله المستعان الدنيا دوارة - اقصد لا اتصلت تسأل عن عيالها ترد ولا تمنعي الام من عيالها ولا العيال من أمهم
- اذا انتي مرتاحة للرجال وافقي بس انا خايفة عليكي لايقوم يرجعها بعدين و تصيري انتي واياها ضراير و انتي مبين عليكي بنت طيوبة و اصيلة ما راح تطلعي متلها يعني هي راح تعملك مشاكل و انتي ضميرك و تربيتك ما راح تخليكي تكوني بقوتها فنصيحة فكري منيح قبل لا توافقي
مواضيع مشابهة
تابعي تجارب أخرى من هذا القسم.