السلام عليكم ورحمة الله
يااخواتي بسال عن تصرفات وكل واحده تخيلوه اخوها وزوجته عملوا كذه
اش تكون ردة فعلك
مثلا زوجته ماتطبخ له ويتنقع عند اخواته هو واطفاله اربعه وعشرين ساعه
طبخ ونفخ وتنظيف وراهم وست الحسن لها الراحه وهما حرام عليهم الراحه
اذا عنده عزومه تكرر كثيير مره اخواته يكرفون له لوحدهم وهي لها الدلع
الشى الاخر اذا اخواته واهله بيروحو مكان لازم يحشرها معهم تروح والا يروح اطفاله معاهم
حتى المناسبات والاسواق صاروا مايتهنو يروح وقتهم يطاردون اطفاله
اذا عرف ان عند اهله ضيوف يحضر اطفاله عند اهله ملابسهم رثه واشكالهم لكن لما يروحو اهلها وصديقاتها يلبسون وويترتبون
يسافرو عياله بالاشهر وهو يجلس عند اهله يبي طبخ ونفخ واكل وكرف ومايحس ان لهم حق يتهنوا باجازتهم مثل غيرهم
لو يسمع ان عند اهله شى يحضرها وطبعا تجي للاستفزاز وماتخلي شى ماتفره ثم تردف الجدار وتبلع وتمسح يدها بالطوفه وتروح
علما بانها رسميه جدا مع اهله وكبيره بالسن لاتقولون طفله
بس الخروف مايحب يخفي عنها شى كل صغيره وكبيره يقولها لها عنهم
ايش اشتروا وفين راحوا ومن انخطب ومين حمل
لو كان عندك هالشخصيه شلون تكون ردة فعلك
شاركي في النقاش
سجلي الدخول لإضافة تعليق.
التعليقات
46- الله يكون في عونك يا رب
- والله يا أختي انه شي يقهر ...والله يعينكم على ذا الاشكال
وهذا انتي قلتيها خرووووف مع احترامي لك ...لكن لو مرته لقت وراها رجال يعلمها الحدود والصح والخطا ماتمادت كذا.. - شوفي حبيبتي يمكن هو ينزل هو وعياله حبا فيكم لاتظلمينه..واذا انزعجتو من عياله قولوا له يافلان كذا وكذا والا انتي خذيهم ووديهم بيتهم واذا قال لك ليش قولي الوالده تعبانه او اي شي..وهي ياحبيبتي اللي ماعنده شيمه مايشيمونه الناس.. لكن اذا جت عندكم طلعوا لها شغله من تحت الارض والا اذا رحتو عندها سوو نفس حركاتها يمكن تحس على دمها ..اما حكاية السوق لامن جابهم انتظري حتى يروح وروحي ذبيهم عند باب بيتهم ودقي الباب وروحي.. وبعدين بالنسبه لملابس عيالها الرثه روحي عند اخوك وقولي ترى اللي زارونا يقولون شكلكم ماتشترون لعيالكم ملابس واسكتي وروحي..
- والله يبطي اكررف بعزيمته ليش تزوج ان شاء الله .. انتم اللي اعطيتوها وجه خليكم قويات ودافعوا عن انفسكم قولي انا مو ملزومة عندك زوجتك .. وبالنسبة لأولاده قوليلهم يطلعون لأمهم ..
- ياختي انتم ماعندكم سالفة... عياله مو مسؤوليتكم, ولا هو بكبره مسؤوليتكم... مادري ليه شايلين همه وتطبخون له بالعزايم وتاخذون عياله معكم وين مارحتم! شوفوا لكم شخص ثاني يوديكم وخلوه ينلطع هو وعياله في البيت... خلوه يجيب خدامه وطباخه له ولعياله!!!
والله مشكلة الواحد يخلف ويحمل غيره المسؤولية.... امسكوه من اذنه وعلموه المراجل, ومفتاح بيتكم لا تخلونه معه, الحمد لله معه مفتاح بيته... يدخل مثل الضيف ويرجع بيته... والله عشنا وشفنا ... يزوجونه لاجل يخلصون منه ثم يرجع لهم بدرزن بزارين
مواضيع مشابهة
تابعي تجارب أخرى من هذا القسم.