شاركي في النقاش

سجلي الدخول لإضافة تعليق.

التعليقات

26
  1. @lms_hnan_4

    طبعا اهم شي الضرب ماتضربونه الاباضيق الحلول
    ويكون العقاب معنوي مثل حرمانه من رحله اوطلعه اومصروف

    وعندالنقاش تحاورومعه باقناع وحب بدون ضرب وتعنيف
  2. @alzlykhh

    يااختي
    اولا ماشاء االله عليكي احب الامهات الي يفكروا باولادهم
    ثانيا القصه لها اثر حلو حاولي قبل النوم تخترعي له قصص مثلاً على الولد الي يحب اخوانه ويساعدهم
    وكمان اولادك الصغار قولي لهم هذا اخوكم يحبكم مره وهو يسمع
    وتعوديه حمل المسؤلية مثلاً اذا دخلتي مطبخك كلميه خذ بالك من اخوانك بس شويه وارجع واذا رجعتي شجعيه بالكلام مثلاً انته البطل الشاطر الي تساعد ماماه
    ومن هذا الكلام
    اما البلوغ بالتدرج ياقلبي ولازام الاب يساعدك

    ك
  3. @god_oaahod

    شوفي حبيبتي أنا ولدي عمره 8 سنوات وألحين أنا مصادقته ألعب معه وأسولف ومن بدت الاجازة نجتمع نلعب آخر الليل اونو والعصر ارسله للبقالة قريبة من البيت واوصيه يشتري لنا اغراض السهرة شيبسات وعصيرات وشوكلاتات ونجمعها ونتصور اهم شي اني اصورها عنده...
    دايما اسمعه كلام هذا اخوك انتبه له لاتخلي احد يضربه اذا انت ماانتبهت له من ينتبه له واخته دايما اقوله لاتمد يدك عليها اللي يمد يده على بنت مو رجال اخلي اخوه الصغير على طول معاه يروح المسجد يروح حلقة قرآن لأن اذا صاروا الاخوان مع بعض يعلمون على بعض اذا غلطوا وقت العصر اخليه يطلع مع عيال اعمامه يلعبون كورة قدام باب البيت ...
    الظهر محدده لهم ساعتين يلعبون بلستيشن أو بالآيبود...
    كل واحد منهم محددة له شغل معين يسويه مثلا يجمعون القراطيس والاوراق والثاني يرتب الاحذية والبنت ترتب الغرفة واليوم الثاني يتغير الترتيب بينهم ..
    هذي الاشغال تنمي فيهم الثقة بالنفس وتخلي شخصياتهم قيادية...
    بديت معهم من هالاسبوع حفظ قرآن لان اولادي مدارس تحفيظ قرآن ولازم متابعة واللي يحفظ آخر الاسبوع اكافئه..
    دايما تكلمي معهم انهم كبار انت كبير انت تفهم انت رجال هالكلمات تغرس فيهم انهم يحبون انفسهم وتزيد الثقة فيهم...
    كل ماكنتي قريبة منهم في السواليف واللعب يصيرون قريبين منك ويحنون عليك ويسألون عنك ويفقدونك...
    طبعا بعد العشاء ممنوع يطلعون الشارع حدهم المسجد بس ماامنع اصحابهم او عيال اعمامهم يدخلون يلعبون كورة في حوش البيت واكرمهم بس اشترط عليهم مايدخلون داخل البيت باصحابهم واقولهم عيب يشوفون اختكم او يشوفوني حدهم الى الساعة 11 وادخل عيالي للبيت يتسبحون واكون مسوية فطاير وعصيرات ونجلس الى الفجر صح السهر مضر بس عجزت اتأقلم عالنوم بدري خاصة مع بداية الاجازة بس حدنا آذان الظهر ونصحى ومافي نوم بعدها...
    هالاشياء خلت ولدي قريب مني وغرست فيهم يد الجماعة والحب..
    وصدقيني مع الاستمرار يصير ولدك يبحث عنك ويدور لك ويفقدك وتصير حتى طلعاته برا البيت قليلة ويصير يحب لمة الاهل وجلساتهم..
    أهم شئ عندنا جلسة بعد المغرب ولازم ابوهم يكون متواجد شاي وقهوة وحلى وفطاير وهالجلسة يزعلون لو ماسويناها ويفقدونها..
    معليش كلامي كثير بس هذي تجربتي..
    والله يسخر لك اولادك ...
  4. @i_am_lolo

    الله يصلحهم يارب ويخليهم لنا
    انا بعد افكر كيف بعامل ولدي لا صار مراهق احس بتعب معاه
    والبنت بعد كيف تتصرفين معاها لا كبرت الله يعيننا على تربيتهم ويصلحهم ياررب
  5. @am_hlal1234

    توصينه يعني كل شي نفسك يسويه تقولينه له
    بس باسلوب مقنع مافيه تهديد ولاتقريع وادعيله بعدها وشوفي كيف بيحب ويتقبل كلامك
    مثلا اذا جيتو تطلعون امسكيه وقولي حبيبي الله يرضا عليك اخوانك انتبه لهم ولاتخلي احد يمد يده عليهم وانت الكبير ومن هالكلام

تابعي تجارب أخرى من هذا القسم.