الموضوع مغلق
حلفتكم بالله تدخلون موضوعي وتساعدوني ولو بدعوة صادقة من القلب/ استوفى الرد
السلام عليكم يا بنات عالم حواء حابة افضفض لكم بللي في بالي انا وحدة عمري 34 سنة موظفة قطاع خاص واعيش مع اخواني الاصغر وزوجة ابوي واخواني كلهم من جهة ابوي ... حكايتي باختصار عايشة بعذاب نفسي وعدم وجود راحة في البيت لاني باختصار اعيش مع شيطان مو انسان .... انسانة كل همها الحقد والحسد والتكبر ورمي الناس بابشع الالفاظ واتهام الناس بالباطل واستغلال الاخرين بشتى الاشكال والانواع .. سواء ماديا او معنويا ..حتى اختها وبنات اخوها ما سلموا منها.... تتلذذ بظلم الاخرين .. ابوي توفي من اربع سنين وامي توفت من 10 سنين وامي وابوي تطلقوا وانا صغيرة.... وعشت مع ابوي وبعدها تزوج هالانسانة .... ما يرضيها شي يوم تصير طيبة ويوم يطلع جنونها ... باختصار حاسة انها سوت لي شي لاني عصبية باستمرار ومكتئبة وحزينة وايام كثيرة تمر علي ابكي لحالي من غير ما اعرف ليش.. حساسة واي كلمة تجرحني .. صار الخوف هو السمة البارزة اللحين في حياتي.. اخاف من عيون مرت ابوي لما ادخل بيتنا واشوفها قاعدة جسمي يسرى فيه قشعريرة باردة من عيونها واتحاشى اطالع عيونها ... اموري كلها مخربطة ... تطلقت من زوجي ووظيفتي مو مرتاحة فيها احساسي بالوحدة هو اقوى شعور داخلي .... وحياتي تمر بروتين كئيب ... اخواني شباب وبنات مرتبطين بامهم هي الكل في الكل كلمتها هي اللي تمشي ... يعني معاهم معاهم عليهم عليهم.. ما عندي صديقات وايد عندي صديقتين والثنتين لاهيين بحياتهم.. كنت ملتزمة ..بس اللحين قل التزامي مو نفس الاول .. قبل اذكار الصباح والمساء سورة البقرة يوميا وصلاتي احافظ عليها.... ابي منكم دعوة صادقة لتفريج همومي وتييسير احوالي لعل فيكم مستجابة الدعاء وعطوني حل اشلون انظم حياتي واطلع من هالاكتئاب اللي ذابحني