السلام عليكم ورحمه الله وبركاته
قررت بعد 8سنين زواج اطمح ويمكن افكر اطلق
المشكله زوجي كان حافي منتف يوم تزوجته كله ديون وعلی وجهي تعلی بمنصبه 3مرات مع انه ميؤس من شغله وكمان صار راعي محلات وسيارات وحلال قسم بالله ان اول زواجي كنت اخذ الملابس الحمل من خواتي
ساكنين بشقه غرفتين وصاله صغيره ومجلس والاثاث من 8سنين ماغيره وغرفتي مكسره والبويا تقشرت
قلت له اطلعع ابني لنا بيت عيشنا الله منعم عليك وعلی وجهي شفت الخير ليه ماتطلع من البيت ولا تبني لنا بيت لو دور طبعا حاولت بكل الطرق بزين وبالشين مافاد فيه
يتحجج ويقول ابي ادور ارض قريب لاهلي قلت انقل بيت ثاني ودور وقتها ويحلف بالقران كذب بكذب انه يدور والاجارات بالرياض غاليه وانا ماغير اصدق مليت منه
خلاص ابي اطمح واشوف وش اخرتها لاني قلت له قبل قال جربي وشوفي والله لجيب علی قلبك مره واسكنها احسن سكن واخليك تندمين علی تركي 😢😢
ابي نصايحكن انا بأمس الحاجه لمشورتكن
شاركي في النقاش
سجلي الدخول لإضافة تعليق.
التعليقات
8- تبين الحل اللي ماراح يخذلك ابد ..
لاتطمحين ولاشي ..
يختي عندنا.. رب .. بس يقول ادعوني استجب لكم ..
وينك ياقلبي .. اعرفي موقعك بصلاه الوتر .. جربي الدعاء من كل قلب مخلص منجبر نائب لله سبحانه ..
والله لو من اليوم لين باكر نعطيك حلول يختي بتخافين من هالرجال ومن تبعات قراراتك ..
توكلي علي الله وخليه امره علي الله سبحانه ..
ادعي ياقلبي .. ولايفتر لسانه عن الاستغفار .. وخليك واثقه تماما تماما ان ربي مابيخيبك ..
ارجعي لله سبحانه اكثر وتقربي بالطاعات ولاتهتمي لزوجك ..
وشوفي كيف ربي مثل ما اقبلتي عليه .. يجيب لك راس زوجك رغما عنه ..
❤️❤️ - ايه يالخبلة اطمحي وش وراك
صبرتي 8 سنين ومو قادرة تصبري عليها كم سنه
اطمحي وطيعي ابليسك وخليه يتزوج وحده يسكنها احسن سكن
قهرتيني مررره ورديت عليك كأخت
اصبري عليه وفعلا ترا الايجارات نااار
او انك زبطي بيتك غرفه غرفه لحد مايخلص البيت كله اما انك تتطلقي عشان مستواك يتغير لا - بعد تعبك معاه وصبرك ع فقره وسنين عمرك اللي ضيعتيها بتسلمينه هو وحلاله اللي تعبت معاه فيه لوحده تتمتع فيه معليش تصرف غبي هذا حقك وحلال عيالك لاتتهوري وتضيعي تعبك وصبرك الرجال مرده بيأمن لك بيت بس اهجدي واتركي الرجه مسويه فيها بتلوين ذراعه عشان ينفذ طلبك وهو طبعا مستحيل يطاوعك إذا تحديتيه ووقفت بوجهه اصبري لين ربي يفرجها وإن شاء الله ماتنتهي هالسنه إلا وإنتي في بيت جديد
اللهم أغنيني بحلالك عن حرامك وبفضلك عمن سواك - اعرف وحده زيك باتمام وعيالها وصلو لمراحل عاليه من الدراسه واصبرت بسكن ماتصبر به الحيونات اعزكم الله والله من تدخلين بيتهم ريحت المجاري اعزكم الله والحين ماشاء الله بيت ولا بلاحلام كبير ثلاث ادوار اقول وانا اختك اصبري فرج الله قريب ان شاء الله
- اختي طبعي شموخ
جزاكي الله خير
ام شامخ
هههههههه ياروحي انتي قسم بالله اعتبرتك مثی اختي بردك الله يسعدك
كامله الزين
وانتي الله يوفقك ويسعدك
Semoo2022
صدقتي بس ضيم وقهر وغبن اشوف حلاله مليان متروس البنوك وبخلان علي حتی مصروف مايعطي
الله يجزاكي خير
2سلاسل الماس
😣😣يعني يوم كبرت وعجزت وش بتستفيد الله يعين
جزاكن الله خير والله يوفقكن ويسعدكن وينولكن الي في بالكن ويحفظ لكن كل غالي علی نصايحكن وشوركن علي
مواضيع مشابهة
تابعي تجارب أخرى من هذا القسم.