اذا كان نفاسك ببيت اهلك ، هل يشتري زوجك مقاضي لهم و الا مو لازم .. ؟ (شاركوني)

مو شرط الي تولد عند اهلها ان الزوج راميها
كيف بعص الاخوات حكموا كذا ؟؟
وش ذا العقليات السطحية !!
كلن لها ظروفها و اتفاقها مع زوجها
انا كون اني في منطقة نائية حتى مستشفى
خاص محترم للولادة مافيه اروح اجلس ببيتي
و اولد هناك عشان بس مايقولون زوجي راميني !!
بالعكس اجي للعاصمة عند اهلي واولد عندهم
بعدين كيف الزوج مايجيب لي اغراض ؟؟
طيب انا شلون راح افطر ؟؟ وش راح اكل بالفطور ؟؟
لايكون من الذبيحة الي بيجيبها !!
اكيد ابغى لي حليب بيض شابورة طحين للخبز
و راح اتغدا واتعشى .. شي طبيعي
راح يجيب لي اغراض ويقضي لي
و الحمدالله الخير واجد سواء من ابوي والا زوجي
و زوجي مايستأذن احد عشان يجيب شي
ماادري الا هو رايح ومقضي
اصلا ماهي وجيهة انه يقول لاهلي وش ناقص
والا تبون اجيب اغراض او لا ؟؟ :huh:
اكيد بيرفضون و يحشرونه وعلى قولة
المثل " من يشاور ما عطا " :huh:
في كل الاحوال انا نفاس و لازم اتغذى
و انا تقريبا اجلس اسبوعين ثلاث و اروح بيتي
و اخلي الاغراض عند اهلي يا ساتر كل ذا قعاطه !!
ايه و بعد يجيب الضيافة احتفاء بالمولود
والضيافة صياني حلا و شوكلاته من محلات فخمة
اما توزيعات و خرابيط ذي ماعندنا ..

يجيب الضيافه هذي جديده علي ..
هو المفروض يجيب للمره وضناها شي ينفعهم اللي هي الذبيحه و الطحين البر و التمر و اذا عنده عيال يجيب فواكه
صدقوني حتى لو اهاليكم رفضوا او زعلوا بس من داخل راح يكبر بعينهم

و انا ما اقصد يجيب المقاضي لأهلها
انا قصدي يجيب المقاضي عامه ما يحتاج يقول هذي لك او للأهل
لكن مساعده للزوجه و تقديرا لأهلها اللي يقومون بنفاسها

و على حسب كل ناس و عاداتهم
و اكيد الافضل تنفس ببيتها بس في الغالب اول اسبوعين يا دوب تشيل نفسها تحتاج مساعده

الله يهون على كل من حملت بالحلال يا رب
و يرزقها الذرية الصالحه و الزوج اللي ترفع راسها فيه عند الناس كلهم ♥

اكيد ع الزوج يجيب ماجلة الزوجه من الخضره والفاكهه واللحم والدياي والفواله هذه مسولية الزوج

يجيب خضار فواكه ذبيحه وعصيرات بس مصروف ما اذكر اعطاني لان انا الهبلا اقوله كل حرمه تجي تعطيني ميه ميتين حتى اخر نفاسي طلب مني فلوس  وقالي لاتعلمي اهلك مره انقهرت 

ماعندي خبر ب دي الحاجات نفست ببيتي الحمدلله