ااااخ يا كسرة النفس يا احساس الضعف وقلة الحيله اختي حبيبتي ربي يكرمها بالزوج يارب

السلام عليكم


:44:


هذي اختي حبيبتي مااافيه يوم ما فكرت فيها وبكيييت عشانها ودي فيها تفرررح اااااه بس يوم أشوف الكسررر بعيونها ولااحد حاااااس فيها من أخواتي او اخواني

اختي قربت على الثلاثين ربي يفرحنا بزواجها من رجل افضل من أزواجنا كلنا يااااارب

اختي الأصغر منها تحضر الان لزواجها ربي يتمم عليها ياااارب ويسعدها بحياتها ويسخرلها زوجها يااااارب زواجها بعد العيد بإذن الله:icon28:

بس من أشوف اختي الحزينة كيف مهمومه وحزينة مع انها ابداااا ماوضحت ابداااا تضحك وتسولف بس ماتتابع تجهيز اختي بحماس ومنعزله احيانا احصلها بسريرها على جوالها واخواتي هناك سوالف وضحك



اااااه بس ياربي يفرحنا فيها يااااارب عاجلا غير اجل
اكتبلكم ودموعي بعيني :(


ادعولها تكفون لو ماتكتبون بقلوبكم ادعولها:(

69 تعليق 15,396 مشاهدة

شاركي في النقاش

سجلي الدخول لإضافة تعليق.

التعليقات

67
  1. @boh_12

    -


    ماشاء الله عليك الله يخليك لها ويفرحكم بزواجها عاجل غير عاجل
    ليت خواتي واهلى يحسون فيني وانا حاسه باختك وبكل شي تمر فيه عمري 24 كل الى بعمري تزوجوا الحمدلله مو ناقصني شي وهذا الى مصبرني ومحد يقدر يقلل مني وواثقه من نفسي
    بس لازم نظرات الشفقه من بعض الناس والنغزات واكيد ربي اخر زواجنا لخير لنا وبيعوضنا بأحلى ازواج وافضلهم
    ماراح انساها من دعواتي وانتي بعد اعتبريني مثل اختك ولاتنسني من دعواتك
  2. @sdomh_10

    الله يرزقها ويسعدها خليها تكثر من الاستغفاااار والدعاء وربنا ماراح يضيعها رزقها متى ماقال الله له كن فيكون
    هذه قصة صديقتي والله اني صااادقه في كل كلمه اكتبها انخطبت اختها اللي اصغر منها وهي صارت حزييينه بعد شهر انخطبت وتحدد عرسها وتزوجت قبل الصغيرة فسبحان الله ربنا كريم
  3. وعليكم السلام ورحمة الله وبركاته

    حبيبتي كثر الله من امثالك الحريصات على اخواتهن الودودات لهن

    اشوفك معذبة نفسك على امر هو من تقدير الله

    الزواج يا عزيزتي رزق مثله مثل المال

    لو واحد يقطع نفسه علشان يصير غني مستحيل يصير وربي مو كاتب له

    كذلك الزواج هو في علم الغيب وكالأجل يأتي في الوقت الذي يقدره الله

    انا عمري 37 سنة وعندي يقين ان كل اموري الى خير وفي خير لانها من الله

    وكما في الحديث ( عجبا لامر المؤمن ان امره كله خير )

    لعلها لو تزوجت تندم وتتبهذل وتتطلق وينكسر قلبها اكثر مما لو لم تتزوج


    نصيحتي لك توجيهها لاسباب الرزق مع التوكل على الله وحسن الظن به

    من اسباب الرزق ( الزواج هنا ) التوبة والاستغفار والدعاء في اوقات الاجابة خاصة الثلث الاخير من الليل ..


    اسأل الله ان يرزقني واياها وبنات المسلمين الازواج الصالحين والستر والعفاف
  4. @am_alaasoool

    الله يرزقها اللي يستاهلها

    والله يا اختي اختك المفروض تحمد ربها ان عندها شخص مثلك يحس فيها و يحبها بدون قيد او شرط ويتمنى لها الخير بغيابها
    والله اغلب الازواج مهما يحب ويداري زوجته اول الزواج مستحيل يحبها بشكل مطلق مثل اهلها
    ياريت تستمتع بحياتها مثل ماهي وتفرح معكم لان الحزن والانطواء مهو مسرع زواجها بس بيخليها تخسر احلى ايام عمرها بالتفكير بشي ماراح يجي الا بوقته فقوليلها تستمتع باللحظة وتقدر الحب والمشاعر الي حولها لين ما يجي نصيبها اللي مابيتاخر لانها ما زعلت واكتأبت

تابعي تجارب أخرى من هذا القسم.