بنات اللي عندها عقدة العمر تدخل ربي يدخل الفرح لقلبها

مساء الفل والياسمين والسعاده كيفكم صبايا ربي يسعدكم جميعا 
حبيباتي انا عندي حاجه مضايقتني ويمكن تكون متكرره بس ابغى اعرف اللي مرت بهالحاله وش سوت بنات انا ولله الحمد مطلقه وعندي ولد وهالكلام قبل 3سنوات تقريبا وسبحان الله كنت قبل فتره راح اتزوج لكن قدر الله وماتمت الامور انا مشكلتي اني حساسه جدا جدا جدا من ناحية العمر الحين كمل عمري  30سنه ادري بنات العمر اكيد بيمر وعادي وانا والله الشاهد اني رزقني الله جمال اشكر الله عليه وشكلي اصغر من عمري 
المهم بنات انا اللي يعقدني اللي حولي انا ساكنه مع اخوي واولاده وتعرفوا قسما بالله هم عسل يهبلون لكن يحبون يحرجوني دائما بعمري وكانهم يقولوا كبرتي وما اتزوجتي بعد طلاقك ويابنات انا زوجة اخوي طيبه بس تعرفوا ساعات تقهرني من نفس الناحيه هي تصغر عمرها حييييل وانا اعتبر هذا حريه شخصيه ماشاء الله عمرها يمكن 45 وتقول عمرها 41 بس هي بكيفها عمري والله ما احرجتها ولاحسبت عمرها اصلا بس عمرها معروف لانها باعمار اخواتي وهي مثل ماقلت حره لو تقول عمري 15حره بكيفها لكن انا احس حاطيني تحت المجهر حتى هي ساعات تبين اني كبيره وانا انقهر كل هذا علشاني ماتزوجت والله لو اني اتزوجت بعد طلاقي كان ما احد فكر فيني فعلا احس الناس تحسب لك الثواني بحياتك ههههههه
والمشكله امي تايدهم وتحطمني زياده هههههه
بنات انا واثقه بنفسي مره والحمدلله وراضيه بقضاء الله بس مهما كان الواحد ساعات يتضايق 
اسفه طولت عليكم بس ابغى وحده تمر او مره بهالحاله وهالنظره من الناس كيف اتصرفت وبس 
الله يسعدكم جميعا اكثر مماتتمنون وانا معكم