السلام عليكم ورحمة الله وبركاته
أنا عضوة جديدة أو خليني أقول مغتربة جديدة في هذا العالم الكبير ..:02:
تقدروا تقولون حديثة سفر وحديثة زواج وحديثة كلش!
يعني طازة وعودي أخضر ويا عيني ما شفت حاجة.
أولا ودي أرحب بكل المغتربات الحلوين في هالعالم الغريب وأقول عظم الله أجركم أولا وآخرا. والله الغربة تعب وصعبة لكن الحمدالله على كل حال الوحدة منا سرعان ما تتأقلم وإلا ما تلقى التسخير والتوفيق من رب العالمين ربنا دوم كريم معنا وبكل مكان كنا فيه أقولكم الله معنا.
أنا حاليا بمنهاتن في ولاية كانساس صراحة ودي أعطي تحية حااااااااااااارة للعوائل السعودية اللي فيها والله نموذج يرفع الراس للعائلة الواحدة المترابطة والمتمسكة يتعاليم دينها وأخلاقها. بصراحة يرفعون الراس وراعيين فزعات لبعض حتى لو الواحد توه متعرف عليهم تلاقينهم كأنهم يعرفونك من زمان ويعتبرونك إخت وقريبة ويخدمونك من قلب. وبجد ومن قلبي أتمنى تكون كل ولاية تحتوي على هالنوع من العوائل المترابطة ودايما أردد الله لا يحرمنا من بعضنا ومن الناس الطيبين.
عندي سؤال للبنات الحلوين المغتربات ودي أعرف إذا أي وحدة فيكم برود أيلند اللي بأمريكا؟؟
صراحة أنا وزوجي رايحين بعثة لأمريكا لهذي المدينة وبكل صدق ما أعرف عنها شي وأول مرة أدرس خارج المملكة؟؟
أنا صحيح حاليا بولاية كانساس بمنهاتن ندرس اللغة وعلى عتبة التخرج منها وكلها شهر يمكن وبننقل لرود أيلند. عشان كذا حبيت أشوف إذا فيها عوائل وأي معلومات عنها؟
مع جزيل الشكر حبوباتي:26:
يا هلا بكن فى مجلسنا الجديد
متابعة النقاش، صفحة 20