زوجي دائماً يتكلم عن الزين والحلوات .!

السلام عليكم ورحمة الله ..

بدخل بالموضوع على طول والله رافع ضغطي مره ..
زوجي دائماً يتكلم عن البنات أو الحريم الحلوات والزينات ..
مثلاً فلانه زوجة فلان هي حلوة ولا لا ..
ومثلاً مين البنت الحلوة في القبيلة ..
ومثلاً أنتي ما تبين تسافرين للدولة الفلانية عشان فيها حلوات ..

ودائماً يتكلم عن الزين والمزيين ويقول أمزح ..

وأنا بصراحة كرهته من كثر ما يتكلم وصرت اشك فية ..
وهو كثير السفرات ويقول أحب أسافر مع أصحابي ..

ومشكلتي الثانية أنه له فترة ما يقرب مني في الفراش ومقصر بحقوقي الشرعية والعاطفية ..
وأنا بصراحة ما تزوجة إلا عشان أعف نفسي ..
والله لو أني مطلقة ما أنقهرت من الحرمان الي أنا فيه لأن ما راح يكون قدامي رجل ..
لكن هذا حارمني وهو عندي قهر ..
لو كنتي مكاني كيف تتصرفي وهل هذا الوضع يقهرك مثلي .!

47 تعليق 23,034 مشاهدة

شاركي في النقاش

سجلي الدخول لإضافة تعليق.

التعليقات

40
  1. حارمك من حقك الشرعي مو بكيف اغتصبيه ههههههه امزح

    لا قوليله ترى ماتزوجتك لسواد عيونك حبيبي

    ترى انا بعد حلوة ومثل القمر دايم كنت انخطب بس نصيب

    ان قال في حلوات في القبيلة قوليله انا احلى منهم وش جاب الثرى للثريا ارفعي من نفسك لاتخليه يزعزع ثقتك

    دايم قولي يازيني زيناه خليه يموت بقهره ويشك بنفسه

    اذا قالك شوفي المذيعة ياحلوها قبل مايقول حلوة انتي اسبقيه قوليله مو حلوة عمليات تجميل

    استهبلي عليه
  2. @ala_ana_5

    صاحبة الموضوع
    قلوب جميلة يسلمو على المرور الجميل
    ويا كثر ما قلت انا الجميلة الي ما في زيي 
    مقهورة منه 
  3. حقك خذيه منع وشبعي عيونه

    ماعليكي منه خليه يقول حلوين من اليوم لبكرة يردد كنه ببغاء انتي

    الزم ماعليكي لاتقصري بواجباته وخذي حقوقك منه قوليله انا تزوجتك اعف نفسي
  4. @ord_82

    دايم يتكلم عن الزين طيب هو مزيون ؟ والاكرشه ناطه في خشمه ... يستفزني الي من هاالنوعيه زي الي يتشرطون قبل الزواج ابيها طويله وبيضه وشعرها طويل ونحيفه وهو شيفه .... قوليله شوف نفسك في المرايه بعدين دور الزين ...
  5. @ala_ana_5

    صاحبة الموضوع
    والله يشككني بنفسي وصرت مؤ واثقة من نفسي وهو من زينه عاد ..
    وحقوقي كيف أخذها اغتصبه ههههه ..

تابعي تجارب أخرى من هذا القسم.