صباح الخير.. اللهم صل وسلم على نبينا محمد
اتمنى اللي عندهم اكثر من طفل يساعدوني
انا عندي طفلين .. واحد ثلاث سنوات والثاني توني والدته.. وانا حامل كنت اقول لولدي يجيك اخوك ويلعب معاك وكنت اوريه ملابسه وياعمري كان متحمس متى يجي اخوه وكل يوم يبوس بطني على اساس اخوه لكن الحين يالله ع الغيره
اذا شلته يجي بحضني ويدف اخوه وابيه يحبه ويرحمه اقوله شفت المسكين ماعنده العاب مثلك وماعنده غرفه وملابسه بس شويه بس مافي فايده و لما فكيته عنده يقرصه مع ايده .. ذاك اليوم جات جارتنا وتقوله عادي اخذ اخوك وكانه اعجبته الفكره هههههه يقولي يا ماما هو يطفش خلينا نرجعه للمستشفى
كيف اتصرف بغيرته واخليه يحب اخوه .. تخيلوا ابوه كان بياخذه للبقاله وقالي قبل يطلع ماما لا تشيلينه خليه نايم لما اجي .. خايف يروح واشيله والاعبه ههههههه
الحل مع الغيره كيف اخليه يحبه ؟؟
شاركي في النقاش
سجلي الدخول لإضافة تعليق.
التعليقات
19- والله عاد الغيره مالها حل
شوفي لعبيه معاه خليه يحطه بحضنه وانتي موجوده
ولا تلعبي مع الصغير وتطنشيه لااعبيهم مع بعض - طبيعي جدا اللي قاعد يسويه
اهم شي هالفترة اشبعيه اهتمام وحضن والعبي معاه واحكي له قصص قصيرة مرة ويكون ابطالها اخوان اثنين يحبون بعض وكذا عشان توصل الفكرة بس
وبرضوه حاولي تكلفينه بمهام بسيطة تحسسه انه مسؤول عن اخوه مثلا اذا نام قولي له اذا صحى اخوك يبكي سم عليه ولاعبه بشويش لحد مايسكت طبعا كله تحت اشرافك
واذا سويتي الرضعة خليه هو يحطها بفمه والبيبي بحضنك ويجيب الحفاظات وقت التغيير ومن هالأشياء بينشغل ومع الوقت بيتعلق في اخوه وبتخف الغيرة كثيييييير - اهم علاج للغيره تخلينه هو يتحمل مسؤولية اخوه .. دائما رددي عليه هذا اخوك الصغير وانت تنتبه له .. خليه يساعدك في تصليح الرضعه مثلا يجيب لك الحفاضه .. قولي له انا بروح مثلا الحمام انتبه لاخوك بس مو صدق تروحين راقبيه من بعيد .. اذا كان عندك قولي له شوف شلون اخوك يضحك لما يشوفك يحبك .. اخوك لما يبكي ما يسكت الا لما يشوفك قدامه ... ومثل كذا
- اهتمي باكبير اكثر من الصغير العب والدلع والحنان كله للكبير لانه يفهم الصغير مايفهم عادي ان كنتي بتحبينه بتحضنيه تغنيله لاشفتي اخوه نايم او مشغول تقدرين
تلعبين الصغير بعدين كل شي هين بعد كم سنه ان شاء الله بتكبر عيلتك ويكثرون اولادك وماراح تشغلك غيراتهم ولا شي يعني شي طبيعي وعادي مايقلق
اهم شي تحطي عينك على الصغير من بعيد لايأذيه - كل الاطفال يمرون بهالمرحله
لكن مع الايام بينسى ويكون الامر عادي عنده
مواضيع مشابهة
تابعي تجارب أخرى من هذا القسم.