في حياة مول ●● رئيت الاكل في الطاولات التابعه للمطاعم يكب في الزباله كل شي مع بعض

مساء الخيرات
رحت امس لسوق حياة مول  تسوقت شوي مع صجة بزورتي الله يصلحهم
ثم توجهت لجهة المطاعم 
طلبنا  وجلسنا ناكل يوم خلصنا الي بقى اخذته معي طبعا بيتزا وبطاطس قلت اعطيها احد او لعيالي اذا يبونها 
المهم والي ضضضضضضضضضضييييييق صدري هالطعام الي يبقى  تدرون وين يروح  للزباله ؟؟
 الاكل ياخذه العامل طاوله طاوله ويكب هالصحون بمافيها في الزباله المناديل والكراتين والي يكنس من الارض مع بعض 

حزنت وخفت من عذاب الله  هالاموال الي عطانا الله نشتري فيها اكل وناكل منه قليلا ثم نتركه لعامل النضافه يكبه مع الزباله لانسال ولا نكفكف الي عقبنا ونعطيه احد محتاج تخيلو وجبات تكب واشيا ملمسه ماكنلو اكلها
مومعقوووول
راح يسالنا الله عن هالنعم الي عطانا وش سوينا فيها وهل احترمناها وقدرناها
اخاف يجي يوم مانلقى شي ناكله الدنيا تغير بيوم وليله وغضب الله يجي مع العصيان والاستمرار بالغلط 
(ولتسالن يومئذعن النعيم.....

رحت لحراس الامن في المطاعم 3 قلت وين المسؤل عن المطاعم قالو ايش فيه 
قلت الاكل ينكب مع الزباله مايصير قالو حنا مو مسؤلين روحي دوري المسؤلين 
قلت انا قلت لكم وانا معي بزران وعربيه وابطلع ولا ادري وين الاداره لكن هذي مسسؤليتنا كلنا 
طيب ليش مايصير فيه حاويات للاكل وحاويات للزباله  العامل والناس يحطون فيهاالاكل 
ياناس شوفو الدول الي حولنا عقب العز والعيشه الحين وش صارفيهم 
حرب وجوع  
وهذا مو بس بحياة مول بكل الاسواااااااااق 
الله يهدينا ويصلح حالنا  
ياحبيلكم 

22 تعليق 2,283 مشاهدة

شاركي في النقاش

سجلي الدخول لإضافة تعليق.

التعليقات

21
  1. @ynsoon

    ياليت عندنا مثلك 100 كان تغير الحاال
    يعورني قلبي نعمه مانوكل منها الا لقمه او ثنتين كامله ونظييفه تنكب كذا
    قهررر
    اصلا ينرفزني وجود العمال
    ليش يدربونا على الاتكاليه
    المفروض اي وحده تخلص من اكلها تقوم وترميه بالزباله بنفسها
    المفروض كذا نتعلم ونتدرب
    والله احيانا الواحد ما يميز الحيوان عن الانسان ياكل ويقوم ومكانه حايس ووصخ
    دايم اشوف كذا بالبر والحدايق المفروض يتعاقبون ويمنع دخولهم للاماكن العامه عقاب لهم
    المشكله مابينهم وبين الزباله الا مترر
  2. @hkay_hlm_5

    حتى انا والله قلبي يعورني واكره اروح هالمطاعم بسبب هالشئ ..

    والمصيبه تلقي هالعامل بنفسه هالاكل ويكبه وهو جوعان ....

    بس لان ماعنده وقت يرتب ويشيل ....

    ياليت تشوفوا الطفل السوري اللي فرحان يجمع فتات الخبز من الارض ...

    لا ويقول الناس مبذره ترميها

    ياعمري اجل لو شافنا ايش بيقول ...

    قريه آمنه مطمئنه ...فيها كل الخيرات والنعم ونكفر ونبذر بنعمة الله

    الله لا يسخط علينا

تابعي تجارب أخرى من هذا القسم.