زمان احلى
اللي سويتيه هو الصح
بنتك انتي المسؤوله عنها
لا تخلي احد يتحكم فيها لا اهلك ولا اهل زوجك
خليها اغلب الوقت قدام عينك حتى لو تقفلي الغرفه عليك و عليها و علميها الصح من الغلط
لانها بسم الله عليها بكرا بتكبر و ما تقدرين عليها
واذا على ام زوجك قولي لها و لزوجك انا ما ابي بنتي تروح من غيري واذا مضطرين ياخذونها يقولولي من قبل و اجهزها و ما تطول عندهم
واهلك اذا شفتي منهم شي ما ينفع يسووه قدام البنت تكلمي لا تسكتين و تجاملين قولي لهم بإسلوب اني ما احب بنتي تاخذ هذا الطبع و تفشلني عند الناس لانها سبق و سوت مثل هالحركات اللي شافتها
وهالشي احرجني مره
معليش يمكن كلامي قاسي شوي بس والله انا عانيت مثلك ولدي الكل يتحكم فيه و الكل يوجهه على كيفه الى ان صار ماله شخصيه و مهزوز مره
والحين كبر بالعمر و الحمدلله بعدنا عن الاهل لكن ولو مع التعب اللي تعبته في تصليح اللي مضى لازال فيه بعض الصفات اللي تقهرني احياناً و التشتت و عدم التركيز وانا ما الومه
لان الطفل صعب يتلقى الاوامر من كل اللي حوله و اوامر متناقضه و مختلفه يصير كأنه بدوامه ما يعرف وين الصح
طبعاً علميها لكن بحب مو بعصبيه حتى ما تخاف منك و يكون مالها شخصيه
تكلمي معها و العبي معها خليها تحبك اكثر مما تخاف منك
و تصير تسمع كلامك لأنها تحبك مو لانها مرعوبه منك
و خليها هي تختار ملابسها و تختار العابها و اكلها حتى تتعلم ان لها حرية الاختيار في الاشياء اللي تخصها
الله يصلح لنا و لكم والله التربيه اصعب من الحمل و الولادة الله يكون بعوننا
`·.¸¸.·¯`··._.· التجمع الـ(20) لأحلى حوامل التوائم `·.¸¸.·¯`··._.·
متابعة النقاش، صفحة 342