بنات مخنووووووقه صارت لي مشكله مع زوجي

بنات تكفون تنصحوني حياتي ع وشك الانهيار والله تعبت
انا تعبانه من اول واخذ حبوب اكتاب ادعولي بالشفاء وزوجي زادني مره مره متغير
من فتره طويله
مقهوره منه هو طيب بس عليه حركات تنرفزني ونا اذا عصبت أصير أصرخ ومعرف أتكلم اليوم لدرجه جلست أشق هدومي وربي
تخيلو هو له ثلاث ايام معصب مو طليق يشوف أحد قدامه ومامعه ريال وانا وبنتي وولدي محتاجين اغراض قلت يابنت الناس اصبري لاحد ماينزل الراتب واطلبي واليوم طلبته قالي المغرب هو ي بنات مو بخيل وربي كررررريم كرررريم بس كذا بلاده مايبي يجيب الاغراض وانا عارفه ومتاكده انه بينام المغرب ويطنشنا لانه صاحي من ثلاثه الليل قلت له قوم الحين العصر احسن المغرب بتنام قال لا هذا كله وهو عينه بالجوال وزعلان قلت اجل انا بروح عند امي وهو يثور فيني كل يوم عند امك قلت له مامعك حق تمنعني طفشانه واطلع العصر أتسلىً قال لا امس رحتي وقبله قلت طيب كنت نايم
ياناس هو كل يوم له نوم فوقت تخيلو له شهر أجازه كل يوم ينام فوقت واغلب وقتنا مانقابله انا وعيالي لا دخلنا الغرفه بنام صحي ولاصحينا دخل ينام وربي هذي حياتنا تكلمت خاصمت بكيت الصلاه الصلاه يابن الحلال اول يقولي طيب والحين يقولي مالك صلاح ابوي يسألني يقولي ماشوفه فالمسجد كثير وش اسوي له تعبت معاه كرررررهته وربي كرهتتتته اليوم لاماقالي كذا جلست ابكي وآصارخ شقيت بجامتي اللي علي عيالي انفجعو حتى صرت بس تعبانه وأبكي مره زوجي قاسي مره لو اطنشه يفرح والله يفرح مايتذكرني الا اذا بغى حقه الشرعي من له نفس بعد ذي المعاملة
اليوم قلت له طلقني انا مابغاك تعيش مع انسانه ماتبغاك احس شخصيته مهزوزه برا مع الرجال ويبغى يثبت العكس عندي
اكيد بتسالون هو دايم كذا لا والله بس لازم كل شهر يصير بيننا مشكله كذا ونطنش بعض اسبوعين ووقتهامايكون فيه كلمه حلوه ولاشي بس يسال عن الأكل وياويلي لو ماسويت واذا تراضينا يصير اخسن انسان فالعالم
قبل شوي جاني قال يالله نروح نشتري الاغراض ولا بنام وانا بجامتي مشقوقة وجالسه فالأرض ابكي وعيالي حولي مافكر يحن علينا لو بكلمه المهم راح نام والله مافيه قطعه خبز تتعشى بها
اااااااااااااااه تعبانه حياتي مصكره من كل جهه وش الحل وش اسوي نفسي انتخررررر وترتاح
بالله اللي عندها حل لاتبخل علي
وآسفه لو كلامي مو مرتب