بنات مخنووووووقه صارت لي مشكله مع زوجي

الله يعينك

الله يعينك يارب يسخرلك ويسخرلنا ازواحنا وذريتنا امين

اولا اذكري الله وتعوذي من ابليس وحطي في بالك ان ابليس ينقهر لما يكون الانسان مبسوط ومرتاح
وتذكري ان حياتنا كلها تعب وكلها جلد وكلها اختبار من رب العباد هل نصبر او نجزع
قبل ما تحلين مشكلتك مع زوجك وتغيره عليك والأسباب هذه كلها
حلي مشكلة نفسك قوي علاقتك بالله
اجلسي مع نفسك وفكري فيها واسألي نفسك ليه يصير لي كذا وين الخلل
كل ما حسيتي ان نفسيتك تعبت اجلسي لوحدك واستغفري وكثري استغفار
اذا ضاق صدرك قولي الحمدلله وابتسمي لأنك أقوى من ضعفك ومن الشيطان
استمدي قوتك من الله توكلي عليه وهو القادر يكشف كل ما في الانسان من غمه
كثير قراءة القرأن لان في آياته رحمه للإنسان
وإذا سويتي كل هذا راح تتغير أمور كثيرة وراح تشوفين نتائجها بس عليك بالصبر والدعاء والاستغفار
وتذكري ان الأنبياء والرسل جاهم اعظم منا وصبروا ودعوا وربي كان معهم
فأنتي خليهم قدوه لك في كل شي وراح تعيشين صح
الله يفرجلك همك ويشرح ربي صدرك ويحقق لك ما تتمنين

حبيبتي انا اتكلم لك عن تجربه وواقع .. انتي بنفسك قلتي زوجك طيب .. بس عيبه بليد وينام وزي كذا .. اشرايك انه نفس زوجي .. لكن ولا عمره نقص البيت شي .. لا تزعلين من كلامي انتي مره سلبيه وحاطه المشكله انك تعبانه نفسيا .. اسعدي نفسك ترتاحين ولا تنتظرين منه شي .. انا تزوجت صغيره وما كنت افهم واحسب الناس كلهم زي اهلي .. لا . الدنيا علمتني الناس تختلف. زوجك طيب وواضح عليه انسان معدنه نظيف لا هو نذل ولا قاصد انه يحرمكم .. بكل بساطه اطلبي منه وهو طالع ارسلي رساله الله يعافيك نبي كذا وكذا .. اطلبي الاشياء الاساسيه .. والثانويه خليها اذا طلعتي معاه .. اسلوب الفرض ما ييييينفع يولد العناد والمشاكل قال لك ماراح اوديك قلتي ابي اروح لامي .. مو اسلوب هذا .. اشتغلي على تانيب الضميررررر .. خلي صوتك دائما هادي .. وبكل بساطه ليل نهار اشتغلي عليه مسكين وليدي نام مشتهي بيض مثلا وما كان فيه بيض .. يا حياتي فلان امس يبكي وانت نايم يبي يلعب معاك وانا اقول له لا بابا نايم لا تزعجه .. وهذا العلاج يحتاج طولت بال ممكن بالاغراض بيجيب مفعول سريع اما قضاء الوقت لا يبي له وقت اطول ... خلي عياله يحبونه ويتعلقون فيه عشان هو غصب يتعلق فيهم ويقضي وقت اطول معاهم .. وش استفدتي لما قعدتي مارحتي تجيبين الاغراض ؟؟!! وش اثبتي ؟؟!! ولا شي ابدا ... انتي طلعتي الخسرانه .. وهو راح ينام ولا همه ... فكري صح تعيشين صح ..

يمكن تعصبين وتتغير نفسيتك قبل الدورة باسبوع او في وقتها شوفي الوقت
وحافظي ع اعصابك محد بينفعك اذا صار لك شي
اسلوبك ذا مامنه فايدة وبينفر الرجال زياااده