حطمتني الدكتووره .. وماعاد لي نفس اسووي شي

@hbybh_aadolha_1

السلام عليكم .. رحت لموعدي امس عند صبا بدله .. وكان عندي تفاااااؤل وامل انها بتفرحني .. كشفت ع بطني بيديها قالت الجنين نزل الحوض والباقي بينزل مع الطلق .. وراحت قلت ماراح تسوين لي كشف من تحت قالت لا مايحتااج .. كنت اتمنئ تكشف علي وتقوولي كم سانتي فتح .. رفضت .. بعدها اقولها الاعراض اللي فيني تقوول عاادي كنت متحمسه مع الالم اللي يروح ويجي والنغزات والشد اللي بالفخذ قلت خلاااص اكيد بيكون فتح الرحم كل يووم اهررري نفسي بالمشي .. ورياضه القرفصا .. واتحممممل وجت ختمتها تقوول اذا جا 16 /8 ماجاك طلق نحولك قيصري ع طوول ماننتظر لان الاول قيصري ... قلت طيب قيسي الحوض عندي قالت مايبين الا ادا دفعتي ورفض الجنين يخرج نحولك قيصري انا مابغا كدا مابغا اتعذب اذا فالاخير بتحول عمليه سويها وريحينا قالت لا .. مررررره طلعت من عندها ضااايق خلقي ومتعاد حتئ النووم جاني . محتاره انتظر والا اروح اسوي عمليه ابغا اخد فرصتي بالطبيعي هالمرره بس تحطمت ومابغا افطر رمضان كله .. وش تشورون علي اسوويه عشان يفتح الرحم ويجيني طلق طبيعي لان تقول مستحيل نعطيك طلق صناعي عشان العمليه ماتفتح .. ليه اسبوعين اسوي خلطه تسهيل الولاده ..بس حتئ افرازات مافيه عشان تدل انه فتح الرحم واكل رطب كثييييييييير وامشي كثيرررررر ومدري متئ بتنفرج علي 

14 تعليق 1,980 مشاهدة

0 0

شاركي في النقاش

سجلي الدخول لإضافة تعليق.

التعليقات

13

  2. @amor_aabady

    انتي اهم شي ماتتعذبين نفسك تنشطين الطلق وهو اصلاً لسسه ماحان وقت الولاده ولافتح الرحم 

    وكثير من البنات يتحولون قيصري لانهم يتعبون نفسهم ويتعبون نبض البيبي من الحاجات اللي يسوونها لاجاك الطلق الصصصح اشربي كف مريم وتوكلي على الله وربي يقومك بالسلامه ياقلبي ويسهل عليك وعلى كل مسلمه

  3. @ana_ndmanh

    وانا مع البنات ياقلبي الله يسهلك هي ادرى بحالتك اذا ماجاك طلق طبيعي لا تتعبي نفسك كثير بالرياضه وكذا لان ع قوله البنات تتعبي ومايصير عندك قوه في الولاده الله يسهلك يارب ويهونها عليك وتجي تبشرينا ان شاء الله

  4. @happy_girl666

    حبيبتي هذي امور بيد الله والولادة لها ساعة محددة اذا جت لاينفع شرب مسهلات ولا وخلطات ولاخرابيط انتي توكلي على الله وربي بيسر امرك وبعدين ليش تبين العملية ياختي ماجربتي الطبيعي كلها ثلاث ايام وتقومين بسلامة الرحمن ولا العملية تجلسين بتعبك اربعين يوم واكثر بعد ادعي ربك التيسير
    سبحان الله بحملي الثالث ماخليت شي ماسويته من خلطات وحبة سودا وحليب بزعفران وقرفة كل مايطري ع بالك ولا ولدت الا اخر يوم بالتاسع وحملي الرابع قلت باريح نفسي ولا سويت شي حتى المشي والله مامشيت ولا يوم وولدت بعد اربع ايام من دخولي التاسع كانت ولادتي صدمة ماتوقعت اولد بدري كذا والحمد لله ع تيسيره

  5. توكلي على ربك والله يكتبلك الي فيه الخير
    والفترة الي باقية لك قبل الولادة ارتاحي فيها وريحي اعصابك من التفكير وصلي اخر الليل وادعي بالي نفسك فيه. 

تابعي تجارب أخرى من هذا القسم.