اكشن الولاده.
طبعاً رحت موعد التنويم وحطيت الطلق الصناعي من الساعه تسع الصباح لحد العصر مافيه اي بوادر ولاده والرحم واحد سانتي حطوا التحميله الثانيه من الساعه خمسه العصر بدت الام وحمئ الطلق هنا طلبت ابرة مسكن والله لايوريكم صرت دايخه بس نايمه وخف الالم كثير مادريت غير الدكتوره داخله علي الساعه ثمانيه بالليل وتكشف وتقول ثلاث سم تحطيييييم
هنا فتحت لي كيس المويه وحسيت بالالم بسيط قالت خلاص بدخلك ولاده 😭😭
المهم في غرفة الولاده جاني الموت ولاعاد ينفع شمي ورده ولا طفي شمعه بديت مع كل طلقه يجيني الدف ولا اقدر من الصوم والتعب من الصبح المهم يمكن خمس مرررات واخر شي صرخت ذيك الصرخه والسستتر تنادي الدكتورات لان الجنين بدا يضعف نبضه وانا ماعاد اقدر ادفع وساعدوني واخذت الكمام واحس مثل الحلم يوم طلعوها وحطوا تنفس صناعي لانها مابكيت وبدا دكتور الاطفال عليها يشفط المويات اللي في انفها وحلقها اللين بدت تبكي ارتحت وبشرت اهلي وزوجي وبعدها اعطوني ابرة تنوم عشان الخياطه.
والله يابنات احس اني في عالم ثاني ودخلت حتى عالم الاموات تحت الارض وكاني بقبر واتشهد الله لايعيدها من ابره وشوي شوي بديت افوق واشوف امي عند راسي مثل الحلم
اه يارب يعظم اجرنا ووالداتنا من جد يوم قالوا الولاده مثل طلوع الروح
اول مررره يصير معاي كذا ولدت اربع مرات وكل مرره اسهل من الثانيه لكن هذي المره غييييير
واللحين بديت توجعني الخياطه والمشي يادوب على خفيف بس الحمام ماقدرت اتبرز خايفه واحس بامساك اعطوني ملين مانفع وحطيت تحاميل جلسرين ومانفع
المهم طلعت من هذي التجربه ان الدكتوره سحر ملودي قمه في الاخلاق وصبوره وساعدتني كثير الله يسعدها والمستشفى سليمان فقيه رووعه واهتمام وطلبت غرفه خاصه بس مشكلتهم البيبي لازم رضاعه طبيعيه وانا مالي خلق وتعبانه
وتوته توته خلصت الحتوته
الاعياد هلت والافراح زانت تباشيــ 4 ــر مواليد مايو.. & يونيو.. (2014) المحطـ 19 ـة
متابعة النقاش، صفحة 362