عضوه جديده اعاني من ارتفاع هرمون FSH

الحمدلله

انا كنت اقصد ارتفاع ف هرمون FSH لانه قالتلي الدكتوره لازم اقل عن 7
وبعد عندي اكياس دم على المبيض والدكتوره تقولي يكفي انها ترجعلي 2 لانه وزني تحت الخمسين
اذا رجعت ثلاث في خطوره ؟
مع اني عارفه انه الي كاتبه ربي بيصير بس قلت اخليها ترجع ثلاثه وارتاح اذا الله ثبتلي 2 اثنين ما اعتقد اني راح اسويها الا بعد فتره

رايكم في خطوره علي وانا وزني في الاربعين ؟؟ والا اتوكل على الله واخليها تحط ثلاثه

وجزاكم الله الف خير ع المساعدات

اللهم ارزق كل عقيم بالذريه الصالحه ،، اللهم ارزق اخواتي بالذريه الصالحه

عشان الهرمون بس رايحه تسوين حقن وانابيب وﻻ الدكاتره يبغو فلوس وبس استغفر الله ﻻ تردي حبيبتي انا كان عندي 14واستخدمت يانسون وبابونج وبذر الكتان وحللت لقيته 8الحمد لله والطبيعي بين 3و10 غيري دكتورتك وادخلي النت واسالي كل اطباء العالم الطبيعي بين3و10 
12مرتفع بس مو مررره وحللي ثاني وثالت ورابع انا اول مره حللت 14
ثاني مره1
ثالث مره 8
المختبرات تكون غلط اوقات انتبهي ومن علاماته يضهر لك شعر بالذقن وتلخبط الدووووره علامه اكيده له الله يرزقك يارب 

مرحبا اختي مشكوره على الرد

انا حللت للهرمون اكثر عن مره تقريا سبع مرات وكل مره يرتفع اكثر وحللت في مختبرات مختلفه ورحت عند وايد دكاتره وقالولي الحل اطفال الانابيب لانه بعد فتره الهرمون بيرتفع عندي وما بقدر اسويها

على حسب كلامهم انه ماشي وقت للتفكير لاني جربت ابر التفجير اكثر عن مره والكلوميد وماشي فايده كانت تطلع عندي من بويضتين الى خمس ومايتم الاخصاب ،، وكنت اشرب مرميه وللحين مستمره عليها هي ما نزلت الهرمون لكن احس انه وثابت ما يرتفع من شربتها

وعندي مشاكل تكيسات الدم الي على المبيض والرحم مقلوب ماعرف اذا يأثر والا لا وفي النهايه كل شي بيد الله لكن نحن نحاول ناخذ بالاسباب

والحمدلله

وشكرا اختي مره ثانيه

اختي انا كان هرموني مثلك وسويت حق مجهري وربي رزقني الحمد لله
كلام الاطباء من الناحية العلمية صحيح المفروض تسوي اطفال انابيب والوقت مهم جدا
لكن اختاه صدقيني رب الارباب والاطباء له الكلمة الفصل
توجهي لله بالدعاء واخلصي النية
وانا ارى ترجع لك الدكتورة 3 اجنة لان احتمال الحمل يزيد
ولو عندك وقت اختي اقري قصتي رابطها بالتوقيع
اسال الله ان يرزقك الذرية الطيبة

يابنات شكلكم لخبطو في الهرمونات


هو مو هرمون حليب ..ولا هرمون LH


هذا هرمون الاف اس اتش

اشربي بردقوش كل يوم ثلاثل كاسات

وخذي حبوب منع الحمل شهر واحد وحللي شوفي الهرمون والشهر اللي بعدة خذي منظم كليمن

وارقي نفسك وزيتي ارحمامك واسفل ظهرك بخلطة الرويس ابحثي عنها بقوقل\\

وحجمي قبل العملية وقبل ماتبدين بالمنشطات

وتصدقي وادعي ربك وتوكلي على الله وسوي المجهري


الله يرزقك يارب ويرزقنا