ام زوجي تمدح سلفتي دايم قدامي وقدام الناس

ام زوجي دايم تمدح سلفتي العروس لانها من يوم تزوجت وهي تقعد معهم في بيتهم مع زوجها بالشهور حتى شهر العسل قضته معهم ولا راحت مكان هي فعلاً طيبه زي ماشفتها وبنت حلال وجميله ودائم ام زوجي تمدح جمالها وعمرها مامدحتني عند احد ولا اثنت عليه اذا سويت لها شي رغم اني جداً محترمه معها وأنا أيضاً جميله ولله الحمد ولكن انا ما احب احتك كثير فيهم يمكن بالأسبوع مرا انا ساكنه في شقه في العماره نفسها وسلفتي مو في نفس المدينه مدينه ثانيه
حتى وحده من أخوات زوجي أشوف تعاملها مع سلفتي غير عني تدلعها لما توازيها تقعد توريها مقاطع بالجوال وأنا عمرها ما كانت كذا معي لدرجه انها كانت أحياناً توري زوجي اشياء بالجوال وأنا قاعده وماتوريني وتقعد معي ساكته ماتتكلم اما اخت زوجي الثانيه يعلم الله انها زي العسل معي حتى ام زوجي اذا كانت موجوده احسها معي غير كلهم أخوات زوجي. متزوجات اختين بس سبحان الله يختلفون في الاسلوب وأنا اطنش واسوي نفسي انه عادي عندي الًوضع
ابغى أفضفض لكم ياحوائيات
علماً بان زوجي الحمدلله متفهم وطيب معي ولكن من كثر ما يمدحون سلفتي حتى له انقهرت
مثل سوتلنا طبختلنا هي طيبه مرا هي حلوه هي عسل هي أخلاق ويرجع يقلي نفس هذا الكلام
مرا قهر ماله داعي

37 تعليق 26,712 مشاهدة

شاركي في النقاش

سجلي الدخول لإضافة تعليق.

التعليقات

36
  1. اهم ماعليك راحتك خليهم يمدحونها لين بكره ماراح ينقص منك شي مادام انك محترمتهم وبرضه اذا هي معهم طيبه وامورها تمام ليش تزعلين من كلامهم
  2. @faten044

    عادي يابنت الحلال وسعي صدرك وانتي لاتبينين لهم اذا مدحوها عندك انك مقهوره اذا هي جديده ترى فتره وتعدي بس فرحانين فيها
    المهم انتي طنششي من جد ولاتهتمين ابداً
    وخليك واثقه بنفسك واستانسي
    اسأل الله ان يشرح صدرك ويكفيك مايهمك ...
  3. فانليا بارده
    اهم ماعليك راحتك خليهم يمدحونها لين بكره ماراح ينقص منك شي مادام انك محترمتهم وبرضه اذا هي معهم طيبه وامورها تمام ليش تزعلين من كلامهم
    على قولة المصريين كبري دماغك وماعليك منها تمدح لين تقول بس وإذا شفتيها تمدح اقعدي أمدحي معها بيعرفون انك مافيه امل تغارين وبيوقفون المدح هذا إذا كان مدحهم لها لاستثارة غيرتك

    شوفي انا ماألومك لو ضاق صدرك لكن انت سوي الصح وماعليك من كلامهم حبوك او كرهوك خلي موقفك ثابت وفي السليم ...
  4. @beautiful_girls

    حبهم ومدحهم ماراح يدخلك جنه او يطلعك من نار
    صح ودك يمدحونك ويحبونك بس مايهم اهم شي مرتاحه ومستقره في حياتك
    وتذكري الارواح جنود مجنده يمكن ربي مسخرهم لها وحابينها
    عيشي حياتك ولاتركضين تدورين رضا احد

تابعي تجارب أخرى من هذا القسم.