زوجة اخوي

وعليكم السلام ورحمة الله
اختي سما .. حق الضيف ثلاث ايام قوموا بها على اكمل وجهه وسوو لها الاشياء اللي تحبها من ضيافه واكل وترتيب وسنع بعدها يفتح الله بيضتوا الوجيه وماقصرتوا الباقي عليها
غرفتها اللي جالسه فيها ودورة المياه اللي تستخدمها واذا كانت جوة الغرفه اللي تجلس وتنام فيها الله لايهينها هي اللي تقوم بها وانتوا ماتتدخلوا ولا تجوا جنبها عشان تعرف انه عليها الشغل .. بالنسبه لطلبات زوجها لو كاسة مويه او شاهي اذا طلبها جري تروحوا تقولوا لزوجته فلان يقولك يبي مويه يبي شاي يبي سندوتش يبي عشا وهكذا حبايبي لانها 3 شهور مو 3 ايام او اسبوع .. يعني من العرف والواجب انها تعمل وتساعد
اما باقي البيت .. فمن الاولى انكم انتوا تسووا وتعملوا كل شي الطبخ الغدا والعشا اذا كنتم كذا ولا كذا طابخين فخلاص احسبهم بالطبخه وجزاكم الله خير ولا يضيع لكم تعب ومعروف يارب
ومن ادبها وذوقها انها تقوم تساعد (( لأنه احس بالخجل لما تنحط السفره قدامي وامد يدي ووجهي ممسوح بمرق )) عشان انا ماساعدت ولا عالاقل قطعت السلطه او حضرت السفره وقدمت معاهم ..

لكن بالنسبه للطلبات الجانبيه لأخوكم فمن اللقافه انكم انتوا تقوموا تسووها الله لايهينكم علموها بطلبات اخوكم وكملوا جلستكم ووناستكم وهي تصطفل مع زوجها ..

ويسر الله امركم واصلح الله احوالكم وادام الود والاحترام فيما بينكم

زوجة اخوكي ماهي خدامة عندكم هادي ضيفة جاية شوية و رايحة

زوجه اخوي كانت فوقنا ساكنه تنزل تسوي اكل لها ولاخوي تاكل بالمجلس وتقوم وتترك الاكل ولا تكلف نفسها ترجع باقي الاكل للثلاجه مثلا ولا الفرن وعلى هالحاله وانا ساكته عشان امي بعدين صرت لاسوت كذا وطلعت ادق عليها اقولها لو سمحتي انزلي نظفي حوستك منتي خابره خدم وراك لمين تاركتها يعني وقلت لاخوي رجاءا عندكم بيت اطبخو وكلو ان شاء الله تقلبونه مرمى انتو حرين بس بيت امي لا والف لا محد ناقص كرف وخلاص تربت. يعني اللي فجاءه قالو دين ومادين ومو شغلتها تخدم محد قالها سوي ساندريلا بالبيت كل اللي مطلوب منها مسااعده والشرع والعرف امرو بالتعاون مو طايح نصها لا سوت الغدا ولا كنست لها صاله تفيد نفسها قبل كل شي وتحبب الناس فيها وبجيتها وكما تدين تدان بكره زوجه ولدها بتسوي فيها سواتها بس كلو بالاخير يرجع للبيت اللي خرجت منه والله لو كانت حركه ونظيفه ماتنتظر احد يقولها قومي بتقوم من نفسها لان النظيفه نظيفه بكل مكان مو ببيتي نظيفه وعند الناس رفله