هل أنت مستعدة لأن تتنازلي عن مستواك المادي من اجل الزواج

كل وحدة وظروفها بعضهم تقدر..

عن نفسي مستحيل ، يعني الوحدة تتمنى تعيش حياة كريمة تسافر وتشوف العالم وتتسوق وتشتري اللي نفسها فيه وتأثث بيتها ع ذوقها  وكثير اشياء حلوة ، مستحيل اللي راتبه ضعيف يوفرها  ، بتعيش حياتها بحسرة ، والله المستععععآن..

للاسف رضيت من اكثر من عشر سنوات 
وهذا انا الحين ادفع الثمن 
الضروريات عندي مستحيله
طبيب مانقدر نروح حتى تأمين مافيه 
بنتي تبكي من اسنانها ماقدرت اعالجها لما تأهلت لحافز بكينا من الفرحه بنتي تقول ماما تعالجين سني صح :(
صار علاج سنها طموح وحلم تنتظر تحقيقه
مكيفات خربانه ستاير مافيه لبس عدل مافيه 
النت نشبك من الجيران وهو مايكلف 200ريال بس الميتين صارت صعبه 
وكل مالها تصعب وتصعب

عيالي يشوفون الناس ويطلبون زيهم يبون حفله لنجاحهم يبون كيكه عليها صورتهم يبون ملاهي يبون جوالات وانا اقول بس ينزل حافز ابشروا:(
الفقر يخلي عندك احساس بالنقص مؤلم جدا 
الناس ماترحم اهلك وهم اهلك يستهينون فيك وبلبسك ولبس عيالك حتى وانتي كريمه معهم
من عادتي اكرم ضيفي ولو نقصت على نفسي بس مايبين فعين احد
وان اهديتهم استهانوا بهديتك
ليش؟
لانك منتي مثل فلان وزوجك مومثل فلان حتى لو كان فلان مايعطيهم وجه بس يحترمونه لانه غني

عيالهم اشيك واجمل حتى وان كان لبسهم بايخ ورخيص ومن الهرم لكن فعيونهم لا هذي ماركات لانهم عيال فلان





يوووووه الكلام يكثر في هالموضوع ومايخلص 






الله يرزقني ويغنيني بفضله عمن سواه ومن قال امين

بالعكس اقبل ،،،،، 
دوام الحال من المٌحال فلا بد من ان يأتي يوم ويتحسن وضعه المادي ،،،،، راتبي مع راتبه راح نعيش حياه مبسوطه مووو لازم اتباهى باللي عندي 
بنظري اهم شي راحه البال والاستقرار 

لاااااااااا