السلام عليكم ورحمة الله وبركاته
اخواتي اليوم رحت بيت حماتي
ولقيت سلايفي
ووحدة منهم دفشه مع اطفالي
رغم اني انا حريصة اهاوش عيالي اذا غلطوا
لكن هي تبغاهم زي الالف
رغم انه مو بيتها
وانا زياراتي نص ساعة وامشي
المهم حاولت احط فيها اي عذر خصوصا ان الامر غير مهم غير انه يعكر المزاج لا اكثر
ولمن رجعت البيت
قلت لزوجي اذا بزراني راحوا معك وكانت فيه هالسلفة خليهم معاك هاوشهم انت افضل لان هي ماتعرف تتصرف مع الاطفال حتى اخوات زوجي يستغربون منهابسبب هالتعامل
قالي زوجي غريبة بصراحة المفروض انها تكون لطيفة مع عيالي بالذات اني موديها لاهلها اليوم (لان زوجها عنده استلامات)
عاد انا انجنيت كيف ماتقولي وتخليني اروح
لاهلك وهي موجودة ... (يعني وجهي بيتغير لو هي قالتلي)
احب اوضح ترى السالفة بعيدة عن الغيرة وزوجي يخاف الله وهي ايضا محترمة ..
بس ارفض ان الزوجة تكون اخر من يعلم وتنحرج قدام الحريم
هل لي حق بالزعل والقهر من زوجي
شاركي في النقاش
سجلي الدخول لإضافة تعليق.
التعليقات
19- ليش الزعل ماشوف الموضوع يستاهل الزعل !
- لا تغضبي ،، لكن فهميه بلطف شديد انه يخبرك علشان بس ما تتفاجئي
وأمدحيه كمان انه رجل لوقت الأزمات وببس :) 😌
والله يهدي النفوس - وعليكم السلام ورحمة الله وبركاته
بالنسبة لسلفتك وتعاملها مع أطفالك تحمليها شويتين لان الوقت يمشي والدنيا تمشي واحتكاكك فيها مجرد وقت بسيط مايستحق تعملي مشكلة عشانه وفي هالوقت حاولي تسيطرين على اطفالك حتى مايحصل موقف يشحن النفوس طالما طبيعتها كذا مع الأطفال
وبالنسبة انه زوجك يوديها من غير علمك ,, فعلا المفروض زوجك يقولك عاتبيه شويتين بس لا تكبرين الموضوع وتشيلين بنفسك - بالنسبه لتعامل سلفتك مع اطفالك فطولة البال هبه يهبها الله لمن يشاء تتوقعين انها ماتتضايق من نفسها وتقول ايش دخلني انا وحده اهاوش عيال حمواني وحمواتي لاني فعلا ما املك طولة البال خصوصا مع الاطفال لكن الوم نفسي ويارب وادعو لي رب يعطيني طولة البال على اطفالي واطفال غيري
اما سالفة انو ماقالك لاتسوينها زعله وسالفه بس قولي له ياحبي الله يسعدك مثل هالشي ياليت تعطيني خبر عشان ما انحرج قدامهم وانا اشوف ان الموضوع جدا عاااااادي حتى لو تفاجئتي عادي ايش المشكله ولاتقولين شكلي غلط وانا ما اعرف انا دايم احب اردد هالكلمه زوجي رجال ويعرف يتصرف وانا وحده ما الاحقه بالاسئله في امور في حياتنا اهم من ان اعرف هالتفاصيل الصغيره كذا تسكتينهم وتردين اعتبارك لا وبيشوفونك انسانه جدا واثقه من نفسها وحكيمه - الله يجزاكم خير عالرد
بس في نقطة ماوضحتها لكم
انا ماسكة عيالي بزيادة لدرجة بيت اهل زوجي يرفعون صوتهم ويقولون لي خليهم
ولمن هي هاوشتهم
كانوا اصلا جالسين مع بعض اطفالي بالزاوية
وما اذوها
بس انا تمنيت انها تحسب لي حساب بالذات اني لطيفة معها
الله يهديها ورح اطلب منها انها تتركلي امر اطفالي
رح اهمش الامر فوق ماتتصورون وشكرا جزيلا
وبالنسبة لزوجي الله يهديه ثاني مرة يسويها فيني ...
واول عاتبته والان هو يحلف لي انه نسى
وانا والله دايم احث زوجي يقضي امور اهله
وشكرا لكم مرة اخرى ماقصرتوا
مواضيع مشابهة
تابعي تجارب أخرى من هذا القسم.