الافراح هلت والاعياد زانت ❤ تباشيــ 5 ــر مواليد مايو.. & يونيو.. (2014) المحطـ 20 ـة

صبايا انا بالتنويم عطوني تحميلة طلق صناعي قبل 3ساعات وﻻ افاد اااااه ابغى ارتاح وخايفه

الله يهونها عليك ويقومك بالسلامه

شمي حلتيته يمكن مستشمه من العطور

حكايتي..
كان يوم عادي مجرد ألم بسيط أسفل ظهري
جلست العصر متربعه وراحة رجليني مقابل بعض التمرين اللي يفتح الرحم لمدة نص ساعه
طبعاً راح الوقت ما حسيت لأني كنت أقرا قرآن و
شربت المغرب كوب يانسون
وسويت العشاء رز وملوخيه بالدجاج
وشربت كوب ثاني يانسون مع شوي زعتر بري وملعقة عسل ومشيت عشر دقايق كان الجو حار لا يحتمل ما قدرت أمشي أكثر..
لما صارت 12 حطيت العشاء وأنا آكل أحس بشي يتسرب وكنت جداً متوتره خايفه تكون المويه
جيت بقوم من الكرسي إلا والمويه كلها تنزل وأرجع أجلس حطيت يديني على وجهي وجلست أصيح
أكيد بيعطوني طلق صناعي
طبعاً كلنا توترنا وقمنا وخلينا الملوخيه اللذيذه وبعد روحي بنتي تقول لا يا بابا جوعانه😢
لبسوا الصغار عشان نوصلهم لعمتهم..
وطلعت كاشته بالثمامه😂
وجزاهم الله خير لزموا يرجعون على شاني ووقفوا لنا بنص الطريق للمستشفى سلمناهم العهده وكملنا ..
طبعاً قبل نطلع دخلت أتروش بس لما شفت بطني كيف صغر ارتعت وما قدرت
غسلت جسمي عالسريع وحطيت منشفه بكلوتي ومنشفه على مرتبة السياره
وعالمستشفى
لما وصلت قالوا 3سم
حطوا الجهاز لنبض البيبي وللطلق
كانت فيه مناوبه حبوبه سودانيه قاست لي مرتين
ومن الساعه 1إلى 6 الصباح
صار 4سم بسس
جاني إحباااااط
وأسمع صراخ الحريم يولدون بالغرف جنبي شي يوتر وجاني غثيان من الروعه من صراخهن😫 أول مره أولد وأسمع كذا بالعاده لحالي..
4ولدوا وأنا مكانك سر
😭
طبعاً ما عطوني طلق صناعي يقولون ما نعطي بالليل شكل الدكتوره قايلة لهم لا تصحوني
لأنه فبنتي قبل
نزلت المويه بالليل وعطوني صناعي بس دكتوره ثانيه..
فجأه ما عاد قدرت أتحمل الألم
وأطلب الكمامه
يعطوني إياها وهي ضعيفه جداً ما أحس بأي شي
عيوا يزيدون الجرعه على أساس لسه بدري 4سم
وانتهى شفت السودانيه..
وجت مصريه مروقه هي وكوب القهوه اللي معها ولا كشفت بس تشوف الطلق بالجهاز
وأنا خلااااص ألم فضيع بس أصيح وأحاول ما أصرخ
وشمي ورده هذي أبد ما سوت شي..
قلت لهم نادوا دكتورتي
وكانت 8:33
وطول الوقت أدعي وأستغفر وأقرا قرآن..
وجت وتقول لي توك 4 على كلامهم لها..قلت لها مستحيييل قيسي..
وقاست وانفجعت وسوت استنفار فلللل .. وهاوشتهم ليه ما زادوا جرعة الأكسجين..
فجأه امتلت الغرفه ممرضات
وأنا انفجرت أصيح من الروعه
ويله بيطلع وأنا أصرخ خدرينيييي
وتوريني إبره شكبرها تقول يله بخدرك
لأنه عندي فوبيا بولادتي اللي قبل حسيت بالراس والخياط..
وأدفع وأحس بحريقه بالمنطقه
وتطلع أحلى دندونه للدنيا

والحمد لله أمداها توسع لي
وقالت بدك تجميلي قلت لها إييه
وما فيني حيل قمت أأشر بيدي 3
طفل..
وخيطتني خياطه جانبيه حسيت بآخر نغزه قالت معليش ما وصلها البنج
ومن الزحمه ما وفروا لي الغرفه على طول ..
جلست بغرفة الولاده لين 12الظهر ولازلت أسمع صراخ حريم ولدوا بعدي ثنتين أحسه تعذيب تسمعين هالصراخ مفروض فيه عوازل..
الحمد لله ما استعجلوا وعطوني صناعي
والحمد لله الله سخر لي ممرضه توه بادي شفتها حنونه تهبل
والحين بدا ألم الخياطه
وكل شوي أدن الجرس جيبوا مسكن😅
لازلت أحس بمغص وألم أسفل ظهري ..
الحمد لله قمت أنا وبنيتي بالسلامه
وبلحق على صيام رمضان بإذن الله..
الجدير بالذكر أطفالي 3الله يحفظهم كلهم أدخل المستشفى الساعه 1بالليل😁

بقايا حلم
الله يسلمك يارررب
وسلامتك ماتشوفين شر يارب الله يرزقك بالولاده السهله الميسره

طيووف
الله يسلمك حبيبتي
اي بكره الاستقبال الله يعين ، خلصت زينة غرفة الاستقبال الحمدلله

جنوبيه كشخه
الله يريحك ويرزقك الولاده السهله الميسره

لمسة حنان
الف الف مبرووووك والحمدلله على سلامتكم
يتربى بدلالك وعز ابوه