الغيرة .. اين ذهبت ؟؟؟

اول حاجه,,عشان متجي وحده مدرعمه,,وتسب,,انا مانزل الا مع زوجي,,او واحد من عيالي,,او اخوي
لكن...
مافيه أي دليل انو المرأة ماتخرج الا مع محرم,,,,المحرم في السفر بس
اللي تروح للسوق لوحدها,,,,نساء الرسول صلى الله عليه وسلم,,ونساء الصحابه كانوا يروحوا السوق لوحدهم
وهذا مو كلامي,,,هذا كلام شيخ انسأل عن المرأه اللي تروح السوق وحدها
المستوصف,,ايش عرفك,,اذا بتدخل عند دكتور,,او دكتوره,,,هنا الفرق
الخياط,,,,هي اللي بتتكلم,,,وتشرح للخياط,,,ينزل ليه,,,خايف تغازل الخياط مثلاَ
اللي نزلت البقاله وزوجها بالسياره,,تدرين عن ظروف الرجال؟؟
شفتيه واقف على رجوله؟؟هل هي سليمه او لأ؟؟
فعلى أي اساس وصفتيهم بالدياثه
هذي كلمه كبيره,,,,وفيها قذف,,,لناس فيوم بيقتصون منك عشان كلمه
اما اللي تدخل مخطية رجل,,او تنزل تحجز فندق,,,الله يعافينا باللي بلاهم فيه
اما قولك,,,
وبالمقابل فإن المرأة إذا عرفتْ أن وليَّها لا يهتمُّ بـها ، ولا يرفعُ بالغيرة رأساً سَهُل عليها التماديَ في الباطل ، والوقوعَ في وحلِ الخطيئة ، ومستنقعات الرذيلة
هذا اتهام للنساء عامه,,انهم دايم بحاجة الرقيب والحسيب,,,وان مايردها عن الخطأ,,والوقوع فيه الا مراقبة الولي لها
او خوفها منه
وين راح,,الخوف من الله,,,وين راحت العفه,,والطهاره
العفيفه,,عفيفه,,,لو ماكان عندها محرم,,,ولو كانت بين الف رجال

الله يستر علينا وعلى بنات المسلمين
اللهم آمين

لاحول ولا قوة الا بالله

مشكلة النساء انهم عاطفيات ويحكمون بسرعه
وينظرون لاي شي من جهه وحده
انا انصح الجميع يتثبت قبل نشر اي فتاوى ورسائل دينيه قبل التأكد
وبروابط ومقاطع لشيوخنا العلماء
طبعا هذا بشكل عام حتى لو مايخص الموضوع بس حبيت انبه لانه شي مو سهل
ثانيا
انا والله العظيم سامعة الشيخ ومو اي احد طبعا من مفتين المملكه في اذاعة القران
اتوقع وحده سألت عن صوت المرأه او هو تكلم بموضوع حلقه مو متأكده
بس هو قال صوت المرأه عوره اذا خضعت بالقول مثل ماجا بالقران
والمرأه لما تتكلم ماتخضع وتجمل صوتها
....
يعني لما تتكلمين بجديه وبدون قلة حيا
واي متعلمه بتفهم هذا الكلام
وبتحاول تثقف نفسها بالدين وتسمع تفسير
اهل العلم المعروفين
لأنكم اذا سمعتوهم راح تكتشفون قد ايش
ناس كثيره معقده الاموره وتفسر الاشياء ع فهمها
والله اشياء كثيره مو عارفينها ومشكلتنا تعلقنا بكلام الناس
وتفسيراتهم ولا سمعنا لجنة كبار العلماء وفهمنا منهم

لان لابد ويجي وقت وتتكلمين بشي ضروروي وماتلقين احد يتكلم عنك

لما تكون الحرمه محترمه وتتكلم بأدبها وحيائها وين المشكله
وارجع اقول المتعلمه تعرف ان المحرم في السفر والادله واضحه
وما اذكر دليل واحد يقول المحرم في المدينه وحتى الشيوخ نفس الكلام
بس مدري من وين الحريم يجيبون الكلام ويفسرون بهواهم
الله يهدينا ويهديهم

يابنت الحلال ماتت الرجولة في كثير من الرجال

المقصد مو ان المرأه لازم ما تروح السوق الا مع محرم

لكن مثل ما ذكرت صاحبة الموضوع كثير من الرجال يرمي زوجته في مكان هو عارف ان مايدخله الا رجال وهو قاعد في السيارة مدري وش يسوي

واللي مستغربه منه بعد ان النساء صاروا يروحون مدارس أولادهم يسجلونهم أو ينقلونهم أو يسئلون عن مستواهم .. والذكر وينه من الأعراب ؟؟؟