بالفيديو: طفل ضحية خادمة بلا رحمة !

البيت مو بيت سعودي او خليجي ومافي سعوديين يخلون الشغاله بهالللبس الهندي في الغالب بيخاونها تلبس قمصان او يونيفورم. هاذا مايعني اني موافقه على الفيديو لا والله تقطع قلبي على الولد. لكن بلاش نقول سعوديه راميه ولدها للشغاله وهي رايحه المول . اتوقع التصوير في بلد ثاني غير خليجي.

ليت عاد بعض الامهات يفهمن ويحافظن على عيالهم
انا وانا ام يالله اتحمل شقاوة عيالي كيف عاد بالغريب
وحده من قرايبنا قابلتها بالعرس شفتها بالحالها وام زوجها معها واهلها بعيييد قلت وين بنتك قالت خليتها عند الشغاله عيوني صارت كذا0_0
قلت ما شاء الله يا هنيك على قلبك كيف خليتيها 
قالت بستانس وهي تخاف من صوت الطق وبتنكد علي خليتها وعلى الله ........طيب ونعم بالله بس انا عندي قلب يحس بخاف على البنت خصوصا ان عمرها سنه واربع شهور ماتخاف تذبحها تخطفها 
ذيك الليله انا قلبي عورني عالبنت وطول الليل اتخيل ان يصير فيها شي والام الليل كله تدبك ولا همها
عليها برروووووود قلب مو طبيعي
 

كل ما طلع مثل هالمقطع ،، كل السب واللوم يتجه للام ،، انا بصراحه ماعندي شغاله الان ولكن محتاجتها ،، لان الاطفال يبون اللي يستوعبهم ويهتم فيهم من صحه ودراسه وتربية وحتى مراقبة الاصدقاء ،، ضيفو عليها اهتمامها بزوجها وبيتها ،، وضيوفهاا اللي ما يملا عيونهم شي ،، ولنفسها عليها حق ،، اختلفت احتياجاتنا بالقدم عن الان ، الان كل بيت بحاجه لعامله ،، من الجاهليه وكان فيه خدم وايضاا بعهد الرسول عليه الصلاة والسلام وكل شي فيه شر والا ضرر حذرنا منه رسولنا الكريم ،، فقط قال عنهم ،،اعطو الاجير اجره قبل ان يجف عرقه ،، .

لو كل منزل يحسن للعامله ولا يضغطها بالعمل لما راينا مثل هالحالات ،، وفيه بعضهم الدوله مسؤوله وليست الام .. لانهم سمحو لدخول فئة المجرمين للبلد .
لماذا الاب مستبعد من اصابع الاتهام ؟؟ مافيه نص قراني ولا بالحديث ان المرأة او الام مسؤوله عن جميع مهام الاسرة ..
بصراحه الام ايضاا اذا لم يعينها احد او فكرها مشغول بمشاكل الحياة ،، احيانا تصب غضبها على ابنائها ،، بالصراخ او الضرب الغير مبرح ... الخادمات كذلك علينا لاا نضغطهم بالاعمال مع محاولة توفير كل سبل الراحه النفسيه ،،

الاهتمام بالعيال من وظيفة الام انها تنتبه لعيالها تجيب شغاله تنظف تكنس تغسل تطبخ وووبس
ماتربي عيال ولا تخلين عيالك عندها هي ماهي مسؤله عن عيالك مو قد المسؤلية لا تجيبين عيال احسن الراحه النفسية ان عيالك قدام عينك هنا الراحه بس عيالي اخليهم عند الشغاله واقول نفسي له حق وووووووووين حتى عيالك لهم حق والام مفروض تفني حياتها بخدمة عيالها اذا انا خدمت عيالي اكون قصرت بحق نفسي لا طبعا 
اقدر ادلع نفسي وبنفس الوقت اهتم بعيالي وبزوجي 
الله يكفينا شر الشغالات بس

هذا المقطع بالهند الي منزل المقطع ماخذه من نشرة اخبار ومنزل صوته عليه ويهاجم السعوديات هذه المجرمه تعمل بمنزل ببلادها وحاقده على اهل البيت انهم بنعمه وهي تعمل عندهم هذا حال اغلب الخدم الحقد والحسد عاملتيها زين شين كله واحد عندها طالما هي من النوع الحقود وجرايم الخدم بكل البلدان بالامارات شفنا الي قتلت طفله اوطفل بس عشان تدبس المربيه بالجريمه لانها غيرانه منها وبماليزيا الاندونيسه الي اجرمت بالطفل كانو ناس من نفس عرقها كلهم "ملايو" بس الفرق هم ماليزيين عندهم فلوس وهي اندونيسيه خدامه وبصراحه الخدم كلهم حقودين ومضرين بس تتفاوت مضرتهم حسب قوة قلوبهم في الي يسرق والي يلعب باالاغراض والزاد ويطلعها برا ويخرب الادوات او يعملك مشاكل وفي الي بايعها ومايخاف اويفكر انه مابينمسك ويرتكب جرايم بس شنسوي شر لابد منه
بما ان الشيء بالشيء يذكر اتذكرت سالفه ناس اعرفهم عندهم شغاله عشر سنين يعاملونها معامله رائعه وكل مره تسافر يودون اغراضها بالشحن من كثرها حتى الاثاث حق بيتهم شحنوه لها وملابس بناتهم وشناطهم وجزمهم ماركات بالالاف غوتشي لويس فيتون لبسه لبستين ويعطونها اياه ... اخر شي يوم راحت ديرتها اتصلت ع ابوهم وطعنت بشرف امهم وقالتله انت بس تروح في رجال يدخلون البيت !