الموضوع مغلق

مشكلتي ملخبطه شوي لكنها كرهتني بزوجي

بنات انا سمرا ومتزوجه من كم سنه
والحمدلله جميله ومهتمه بنفسي
وراضيه ومقتنعه بشكلي وواثقه من نفسي
بس زوجي قاهرني على موضوع البياض
محسسني اني طايحه من عينه
حتى مايغار علي لو اكشف بمكان عام

من كم يوم جا برنامج بالتلفزيون عن اوربا
قلت له تخيل اننا عايشين بهالطبيعه
قال كان انا ابيض واشقر وتغطيني من جمالي

واذا شاف وحده حتى لو شييييينه
شافها حلوه لمجرد انها بيضاء

واذا رحنا السوق مايرضى اخذ الا الغوامق
يقول انتي ماينفع لك الا الاسود عشان يفتحك

ذاك اليوم يسولف لي عن واحد صاحبه
يقول انه متزوج وعنده عيال ويحب زوجته
لكنه راعي سفر بحكم عمله
ودايم يقول: اذا شفت الشقر اشتهيت اتزوج بس ارحم ام عيالي

مدري حسيت زوجي يقصد نفسه وضاق صدري
يعني طفشت من هذا الموال
وصرت انفر منه ولا اشتهي قربه
لاني حاسه باله مع غيري واني مو ماليه عينه
وانتم تعرفون المرأه تحس بهذي الامور

حتى العلاقه الخاصه بينا صرت اكرهها وانفر منها
امس جاني وماكنت متقبلته
ولما خلص كان متضايق.. يقول فيني شي موعاجبك؟ فيني ريحه؟
قلت لا مافيك شي

هو مايدري ان نفسي مسدوده منه من تصرفاته
وانا مالي رغبه ابادر بأي شي له

44 تعليق 11,802 مشاهدة

شاركي في النقاش

سجلي الدخول لإضافة تعليق.

التعليقات

42
  1. @nuoranya

    صاريحه قولي له انا انجرح اتوقع انك عارف قبل لانتزوج بهالشي ورضيت فيه ليه الحين تعايرني
  2. @fyroroshyh

    صاحبة الموضوع
    اذا شاف اطفال شقر قعد يتغزل فيهم
    ويقول شوفي ياحلوهم يا جمالهم
    وانا الحمدلله عيالي حلوين ولونهم حنطي فاتح

    واذا شاف الاطفال لونهم غامق قال كلام عنصري شري عنهم

    واذا شاف واحد غامق مع وحده بيضاء ضحك وقال: شوفي خلق وفرق.. مدري كيف رضت فيه!!

    تعليقاته سخيفه جدا وترفع ضغطي
    محسسني ان البياض شي عظيم واهم شي بالدنيا

    انا متضايقه ان زوجي يفكر بهذي الطريقه
    مع اني الحمدلله احب سماري
    وراضيه بخلقه ربي
    ولاعندي استعداد العب بنفسي عشانه
  3. @um_faisel

    ﻻتتعبين نفسك بالتفكير الرجال مايعجبهم شي لو زوجته بيضا قال ابي سمرا والعكس
    لكن ﻻزم تحطين حدود لكﻻمة معاك وتتعاملين معاه بنفس اسلوبة يعني لو سمعني تعليق من تعليقاته ردي بنفس اﻻسلوب كيف الزوجة راضيه بزوحها ولو شفتي موقف حاولي تعلقين تعليق في صالحك عشان يحس ويبطل تعليقاته

تابعي تجارب أخرى من هذا القسم.