التغير بعد الزواج

والله انا يوم تزوجت زي ما انا ماتغيرت كلمت صديقتي ثاني يوم الزواج واول يوم الزواج عادي وكنت لما اجي الكليه نبسط ونسولف ولافكرت باللي فكروا فيه البنت

انا يوم تزوجت ماتغيرت لاكن سرت متحفظه ع حياتي الشخصيه ( الزوجية ) 
اتكلم واضحك واسولف وماتغير شي لاكن مجرد ماشوف تدخل وفضول عن حياتي احاول اصرف  

وفيه وحدة كأنها اختي صداقة وعيش وملح بيننا لاكن تزوجت قبلي بسنه وسحبت علي ويوم انخطبت تجننت ويوم تزوجت رجعت لي وتسألني عن حياتي وعن كل صغيرة وكبيرة وابتعدت عنها لعدة مواقف وقلبها تغير ودخلته الغيرة والحسد .. 
 

ولاحظت ملاحظة العزابيات لما تتزوج صديقتهم يتقربون منها ويحاولون يعرفون عن حياتها ويتلقفون ب التعليقات والاسئلة 
لازم كل بنت تعرف ان فلانه قبل الزواج غير عن بعد الزواج لان سار لها إستقلاليه وخصوصيه عيب الاسئلة الي مالها داعي والتلقف ..  



وانا يوم كنت بنت والله ماعمري تلقفت ع احد من صديقاتي الحمدلله واراسلهم قبل اتصل 
وانسحبت بهداوة عن الي ماتبغى او احس وصلي يضايقها 

بعض الصديقات وخاصه اللي ماعندهم شغل او زوج وبيت وينشغلون تلاقينهم فاضين ويحسبونك زيهم وانتي عندك مسؤليات زي انا ماحب اقطع علاقتي بزميلاتي بس بنفس الوقت وحده من زميلاتي ماتزوجت وماشاء الله عليها فاضيه طول الوقت لدرجه انها تدق كل يومين وانا احيان زوجي عندي احيان وربي وقت نوم يعني مكالمات اخر الليل مو حلوه وخاصه للي عندها زوج صعبه


ومو فاضيه احيان دوبني يااجهز اكل يامشغوله مع اطفالي وهي اذا مسكت الجوال تطول بالمكالمه وكلها سوالف عاديه غير مهمه فصراحه صرت اطفش من مكالماتها.



لدرجة بنفاسي اقول بيجوني حريم وتدق بالوقت اللي عندي فيه الحريم يعني مو معقوله برد عليها وانا عندي ضيوف


صراحه بعض الزميلات يوم يقطعون من تصرفات زميلتهم بعضهم لزقه بقووه والله ..

وضع البنت يختلف بعد الزواج يكون عندها مسؤوليات وواجبات زوجيه يالله تلقىً وقت لنفسها ولا عملها ولا لدراستها ولا عيالها عكس وضعنا قبل ماعندنا غير صديقاتنا نسولف معهم لا التزامات ولا يحزنون

يازين الحياة بدون صحبات سواء قبل الزواج او بعده
قرفت من وحده تزعل والثانيه تشره والثالثه تغار
الصديقه الاولى والاخيره والي تحبك من قلبها امك وبسسسس