مشروعي من نوع غريب ومتاكده ارباحه بالالاف بس ابغى مساعدتكم

شوفي حبيبتي فكرتك حلوة ,, وبأبدأ معاك منها ,,




اول شيء شغلي الآنستقرام زي م قالوا البنات


ثاني شيء بناتك كم اعمارهم ؟ إذا كبار شوي خديهم معاك المحل




انا شفت وحدة في محل تأجير ملابس وعندهم اطفالها مامسويين شيء الاطفال ورا امهم ,,




مافي افضل من انك تديري محلك بنفسك ,, تعرفي ان ذا مصدر رزقك وكل شي تسويه راح يعود عليك
تعاملك اخلاقك ,, الاسعار ,, مثلا لو وحدة تبي ذا الطقم


انتي تبيعيه بـ 200 مثلا ,, وهي م عندها الا 190 ,, هنا انتي ممكن تتناز لي عن العشرة حتى تكسبيها زبونه


بس لو كانت وحدة غيرك م تقدّر تتصرف وممكن ترد باسلوب يبعد الزبونه ,, فأنتي خسرتي هنا




المحل يحتاج / اخلاق + مرونه + وتقبل لكل حالات الناس المزاجيه والنفسيه والآخلاقيه




محلي / طبعا راح اطرح كافه جهدي ,, لانو كل شيء بسويه احصده بكرى


مو محلي / يمكن بكرى او بعد بكرى اطلع منه ,, بسوي اللي اقدر عليه ,, بس ماراح احمل نفسي فوق طاقتها




الامر الثالث / لاتدخلي بس هالفكرة ف محلك


جيبي اواني من كل الانواع والاشكال بكافه الاسعار >> وركزي ع كافه الاسعار


لحتى يدخل محلك جميع حالات الناس ,, وهذا سبب من اسباب الرزق


واطرحي فكرتك ف زاويه ,, وبكذا يكون عندك باب رزق ان شاء الله ماشي


وفكرتك موجوده ف السوق ,, لما تشوفيها تمشي عدل بطلي بيع الاواني المنزليه العاديه وخليه محل للفكرة اللي عندك


هذا رأيي والله يوفقك

الله يرضى عليكم راح اخذ بأرائكم ونفعتوني والله ...كل وحده رايها فيه بركه اللهم لك الحمد كأني استشير اخواتي فعلا الوحده ترد علي كانها في مكاني وحاسه فيني ...يارب يرزقني ويرزكم بكللللل ماتتمنون ...كل الشكر لكم جميعا

انا افضل دام المحل فمنتزه جيبي شغاله واديها راتب العامله وتمسك بناتك وتلعبهم قدامك وتريحك من شغل البيت وانتي ديري محلك بنفسك

إختي ألماس ربي يوفقك إن شاء الله ويفتحلك باب رزق واسع حلال طيب مبارك .....
أتوقع إختي فكرة مشروعك مو مرة غريبه هي صايره لحين في ناس يصممون أواني الطبخ والضيافة والدلال وكل شي....أنا الصراحة بالنسبة لي يعجبني هذا الشي ويعجبني التفنن في أواني الضيافة وخاصة المشغوله يدوي واللي مصممه بس ياأختي (هذا من وجهة نظري فقط) المحلات التجارية ماراح تنفعك الحين لأنك توك في بداية طريقك وخاصة إنك إخترتي سوق نسائي يمكن هو السوق النسائي أريحلك إنتي بس بيني وبينك ابدا مافيه سوق كبير الأسواق النسائية وانا جربت رحت كل سوق نسائي ماأحس الحريم يشترون من جد ويعتمدون على الأسواق هذي ممكن إكسسوار يمشي ممكن أشياء خفيفة مررة والبوفيهات والكرسبي والأيسكريم هو الشغاله فيها بس حتى البلايز ما احس يعتمدون إليها اللي تبغا تشتري صدق لعيد او مناسبه على طول تروح المولات او الأنستغرام او غيرها ....غير هذا الشي إنتي الحين في بداية طريقة بالمرة يعني لس ماشفتي حتى سوقك فلا تجربين سوقك وتجارتك في مكان اصلا ماتمشي فيه البضاعة كثير انصحك تبدين تشوفين راي الناس وطلبات الناس في الأنستغرام بس شوفي سوقك بعدين إذا صار لك معرفه وكذا روحي المركز النسائي واعلني لزباينك إنك فتحتي محل في السوق الفلاني اللي تبغا تشتري تيجي عندك وبكذا بتكونين جمعتي زباين وكونتي أسم ن دون زحمة وضغوط الإيجارات وبتكونين فعلا مستعدة لدف الإيجار وقتها إن شاء الله عشان إنتي بتجيبين الزباين من برع .....بس تذكري ياأختي هذا كللله ممكن صدق يصير إذا إنتي تفننتي جد في أعمالك وكانت رااااااقية وفخمة وقتها بيجون لك الحريم من ايي مكان...... الله يوفقك يارب ويسهلها عليك ويحفظلك مالك .....