صبغه لاكمي/// تم الرد

صبغه لاكمي لها طريقه خلط معينة شوفي اذا اللون اللي ودك تصبغينه مثل هالصورة تحتاجين لخطوتين مهمه ودقيقه عشان يطلع معك هاللون بدون سحب لون

الخطوة الاولى :
هي تفتيح للشعر تاخذين صبغه رقم زيرو مع اوكسجين 40 ٪ علبة صغيرة تخلطينهم زين وتوزعينه على شعرك من تحت لفوق عشان لو بديتي من فوق الجذور راح تتفتح بسرعه وخليه بين نص ساعه الى 40 دقيقه الين يطلع اللون اورنج فاتح او بني فاتح واغسلي شعرك ونشفيه زين استعدادا للخطوة الاخيرة

الخطوة الثانيه :
هي اللي راح تطفين اللون الاورنج اللي طلع لك بالزيتي تحتاجين انبوب صبغه رقم 12/10 وربع انبوب 0/70 مع علبه وربع اوكسجين تركيز 30 بالميه واخلطيه زين ووزعيه بحركة سريعه من الجذور الين تحت وحاولي بسرعه تخلصين وخليه من 3 دقايق الين 7 دقايق وخليك منتبهه كل شوي شيكي عاللون عشان اذا طول اكثر من كذا راح يغمق اللون اكثر وافركي شعرك كويس عشان اللون يتوزع مزيووط وانتبهي للجذور مسكت اللون او لا لان هالمنطقه شوي يحتاج لها انتباه المهم هذي الخطوة ماتطول اكثر من 7 دقايق عشان اللون مايغمق وبس غسلي شعرك


---------------

وفي كم نقطه ضروري عشان تحافظين عاللون اطول مدة ممكنه انك تستخدمين الشامبو والبلسم البنفسجي من لاكمي اطلبييه من عنده واذا حابه اعطيك رقم المندوب اللي يوفره وطريقة استخدامه كلميني خاص

وطريقه تقويه اللون بعد كم شهر اذا حابه راسليني خاص لاني تعبت اكتب :(

وهذي الطريقه اخذتها من خبيرة تجميل الله يسعدها يارب

انا صبغت لاكمي اشقر رمادي هالاسبوع كأنها صبغة كوافير روعة
المهم انا حبيت اقولك ان الصبغة متوفرة في المحلات ب١٢ ريال
انا كنت بطلبها من مندوب لاكمي من الرياض ويشحن للشرقية بس لقيتها في كذا محل عندنا
انا استخدمت علبتين ١٢\١٧ وربع ٠/١٠ الي هي اللون الاخضر وعلبتين اكسجين٩٪
وشعري موصل لنهاية ظهري قالي اخذ ٤ علب بس كفتني علبتين وزاد بعد ورميته
كنت بصبع زيتي بس تخوفت من الطريقة لانها على مرحلتين وحبوبة الرد الي قبل
مرحلة التفتيح الاولى مو رقم زيرو
١٢\١٠ واكسجين
والمرحلة الثانية نفس الي فوق بالاضافة الى ٠\٧٠ الي هي اللون الازرق وطبعا على حسب العلب الي تستخدميها تحددي كمية اللون الازرق
وانا بحثت كثير وراسلت تاجرات وهذي هي الارقام زي ماقالو لي

الله يسعدك
وين لقيتيها بالشرقية عند اي محل

كاندي معليش وضحي  طريقة الرمادي  وجزاك الله خير 

انا  صبغت اشقر رمادي فاتح مع الرمادي المعدني طبعا من لاكمي حطيت ملعقتين من المعدني مو كله وطلع بني ع برتقالي مااعجبني نهائيا