ღ⊱↙ جديد // ملف بنات الــــ دار ــزين ↘⊰ღ

مساكم الله بالخير

والله الغاليات ابا اعرف وين احسن عيادة لليزر عشان الويه في دبي او الشارجة شطااااااااار ويمدحونهم وكم اسعارهم

يا بنات انا بعديه ما فتحت وين افتح ابا ايدي عاملة تمام 10على10

مراحب بالجميع ..................

هلا ببنات دار الزين...............

اخواتي بغيت اسئلكم وين احسن مكان يسوي حمام مغربي اوكي ومضمون.........
غير حمام الهناء.............

لاني اريد حمام نظيف .... واريد يعني شغل اوكي ويسوون خلطات بالاعشاب شرى اغلب صوالين
بوظبي

ادري انكم ماتقصرون

السلام عليكم ورحمة الله وبركاته
وصباحك ورد

بداية أشكر كل اللي رد عليه انسانه وشمس خلف السحاب ..... وتسلمون حبايبي

واللحينه تعالو معاي خلوني أفيدكن وتتميزن لما يزوركن حد

أول شي : احرصي دايما ترحيب باللي زايرنج قبل السلام (مرحبا الساع حيا الله فلانه وغيرها )
اقعدي مع ضيفتج وسولفي معاها شي بسيط أخبار الأهل وشويه جذيه

ثاني شي قدمي لها الرطب والقهوة , بحيث تكونين ما خذه سلة متوسطه وحاطه فيها صحن مليان رطب ومغسول , أما السله الثانيه يكون فيها غسول ماي لأن الرطب يلزق في اليدين وتصبين عليها قهوة بس حركة السلات وايد روعه وأحرصي أنج أنت تعطينها كلينكس بعد ما تاخذ الرطب :)

وقعدي سولفي معاها

وبعد فترة هاتي لها صينيه فيها كذا نوع عصير وكل كوب حاولي في قاعدته أو على الجنب (هذا يرجع لشكل الكوب ) تحطيله ورد طبيعي وتلصقينها بلزق تو فيس ولما تقدمين العصير احرصي يكون كلينكس معاه

أما اللحينه ترتيب طاولة الطعام أين كانت طاولة وكراسي أو على الأرض :
- حطي قطعة مربعة من الورق الأبيض كمفرش صغير ( يبيعونه في الجمعيات عند أغراض البيت عند الأكواب والصحون اللبلاستيك)
- لفي الشوكه والسكين والملعقه في كلينكس ملون (تحصلينه في محلات اللي تبيع أغراض البيت أنا عن نفسي أخذه من ابن بطوطه من محلات بيتي وتحطينه على جهة اليمين
- وبعدين فوق المفرش الأبيض عند بدايته مب داخله على ايدج اليمين حطي كوب ماي ودبة ماي صغيره
- داخل المفرش حطي صحنين واحد صغير وواحد كبير وطاسة الشوربه , الكبير حطيه في الوسط والصغير عند جهة اليمين ومال الشوربة حطيه يسار , الصحن الصغير عادة حاولي تحطين فيه معجنات (مثلا ثلاث حبات فطاير + 3 ساندويشات جاهزه للمعجنات قصيها بالنص وبس حطي النص على شكل مدرج واللي تحبينه ) , ولما تعزمين ضيوفج على طاولة الطعام أو العشاء ابدي بصب الشوربة وعلى طول خذي صحونهم وتكونين حاطه فوالتج في الوسط افتحي المجاب وشاوريها في اللي تحب تاكله ولا تجبرينها على أي نوع أو كمية ترا الضيف وايد يرتاح جذيه بس بين فترة وفترة حسسيها باهتمامج وقوليلها فلانه اكلي :)

بعد الأكل حتى لو الأكل بمعالق اعزمي عليها تتغسل لأن الضيق يرتاح جذيه وتكونين مرتبه المغسله بشوية صابون معطر وناثره ورد مجفف في كل مكان بيكون شكله حاو مع سله صغيره فيها فوطه

بعد جذيه سولفي معاها

اللحينه قدمي لها الفروت والفواكه حطيهن في كوبات اللي يناسبنج وقدميهن ومعاهن كلينكس

وبعدها بقترة قدمي لها حلويات أو كيك

وسولفي معاها وسويلها كابشينو برغوه في كوب صغير لأنها هي بتكون شبعانه تقريبا

واللحينه شاوريها تبغين عطر لأنها احتمال تكون زايرتج مع الدريول وإذابغت عطريها ودايما زيني عطورج بالطريقة التالية (خذي فولك وترتر وأحجار كريمة لونها أحمر أو أزرق وتكون على شكل مدور يعني مشكوكه في خيط ولفيها على راس العطر واااااااااااايد شكلها يكون حلو , ومع شوية عوده أو معموله

وقبل ما تروح خلي العيال أو أنت هاتي سله أو بازه فيها هدايا وتقدمينهن لضيوفج
الهدايا : كيس اللي علىشكل خريطه وينشد من فوق (كأكياس عطور العربية في القرشي ) وتحصلينها في أسواق هدايا العين أشكال وألوان كل أربع حبات بخمس دراهم وشكلهن وايد حلو حطي داخله شريط مع كتيب على شوية ورد مجفف وشوية حلاوة , وبعد في طريقة لتقديم الهدايا بخبركم عنا بعدين

جذيه تأكدي أنج كفينتي ووفيتي

مشكوره امغنامي على النصايح الحلوه وصدق الاتيكيت بها السوالف ياثر وايد بالناس