انا فقيرة والمشتكى لله/ استوفى الرد

لا تنظرين الى منهم اعلى منك انظري الى من اسفل منك واحمد الله اهم شي الصحه والعافيه تسوى الدنيا ومافيه واهم شي القناعه والله يرزكم من فضله

اولا غيري تفكيرك

انتي مسكره كل الابواب و مسكره عيونك واذانك وعقلك وتطلبين الحل المعجزه!!


لازم تشوفين كل قنوات العمل الحلال طبعا .. و لاتقولين لي العادات والتقاليد تحكم
في اكيد مجالات تعتبر مقبوله حسب معايير بيتكم

ثانيا لازم ما يطيح من لسانك الحمد لله و استغفر الله
وما يحتاج اشرح هالنقطه


ثالثا وهو شيء مهم
باعتقادك الاثرياء ورجال الاعمال و حتى الناس العاديين.. متسدحين و الرزق يجيهم من الشباك؟؟
كلن يكرف ويشتغل
وترى في ناس من رجال الاعمال مصابين بامراض نفسيه بسبب ضغط العمل
بعضهم محبط
بعضهم صابر على الضغوط
لكن بالنهايه الكل يكرف ويحفر بالصخر
الفرق بينك وبينهم انك ما تبين تحفرين!! << بتقولين لي الابواب مسدوده اعرف لكن في الواقع انتي سكرتي على نفسك الباب .. كيف تبين ربي يرزقك وانتي تتحلطمين من تقديره و قسمته!!
و هالنقطه موجهه لكل من يحط الف عذر علشان يبرر لنفسه ((حافز و النصابين و سرقه المال العام))
يعني تظنين رجل الاعمال قاعد يسرق المال العام؟؟ صح عنده تسهيلات معينه لكن ما احد فاتح له خزينة الدوله علشان يسرق

بالمختصر
اللي يبي الرزق يتعب له
و الناس اللي انتي تشوفينهم ما تدرين فعليا شقد يكرفون علشان يوصلون للي هم فيه الحين
تراهم ما يجون يتحلطمون في المنتديات و ينتظرون الحل اونلاين!

الحين كل الناس تقريبا عندها مشروع ناس وين كانت ووين صارت بدو وشوي شوي الفلوس كثرت عندهم

وأكثري من الاستغفار

فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا