يأهل الراي السديد ... ساعدوني في قراري

معليش بس بالمنطق وشي الصفات الحلوة اللي فيه؟
مرتاح ماديا؟ ترا الفلوس تروح وتجي
اهله طيبين؟ قد شفتي اهل يخطبون ومايصيرون طيبين بعدين انتي بتتزوجين اهله او بتتزوجينه؟
ماعليك من كلام اهله قال من مداحها قال امها والخطابه عليك من كلام الرجال الناس اللي مالها مصلحة من زواجه ولا زواجك الناس اللي تشهد بما تعرف وتبري ذمتها
صديقه اللي المفروض يغطي على بلاويه يقول راعي بنات؟؟ يعني يغازل ويلعب بالاعراض
اخته برت ذمتها وقالت لك يسافر برا مع ربعه يعني وش يسوون يلعبون اتاري؟؟ انتي عارفه وش معنى السفر مع الشباب يعني سياحة جنسية واذا ما تأكدتي من هالنقطة اسألي اخته وشهي هالبلدان اللي يروحون لها؟
مديره بالعمل يقول متطاق ومشكلجي يعني عصبي وهالنقطة يمكن تغضين النظر عنها لو كان عيبه الوحيد لكن عيوبه كثيرة واهمها والطامة الكبرى
اخته تقول انه متهاون في الصلاة ويجمعها ؟ يعني اللي مفرط في حق الله اللي خلقه و رزقه بيحفظ لك حقك وانتي مالك فضل عليه؟؟؟ من اضاع الصلاة فهو لغيرها اضيع
واللي يقول لك انتي مو صغيرة يمكن معه حق لكن انتي مو رخيصة برضو ترمين نفسك هالرمية 26 وبنوته ولا 28 ومطلقة ومع ولد او ولدين صح؟؟
نصيحتي لك ابعدي عنه اللي جحد حق الله وتهاون في الصلاة وراعي بنات وسفرات ودخان ومشاكل وش لك فيه قولي اللهم اجرني في مصيبتي واخلف لي خيرا منها العوض على الله

وعليكم السلام
من أول ما قلتي يدخن من سنتين توقعت انه مو بس دخان!
لأنه بدأ التدخين وهو عاقل وكبير يعني ما يكون طيش مراهق ولا تجربة طفل ولا يكون أحد غرر فيه
وغااالبا في هذي الحالة يكون مع الدخان مخالفات شرعية ثانية كبيرة أو صغيرة
ويوم قلت علاقات وكوارث ما استغربت كثير
ومدح زوجة أخوه ما يكفي لأكثر من سبب منها انه فيه أشياء لا يمكن تعرفها عنها وممكن تكون مصايب
وثانيا ممكن تكون ضعيفة وتخاف لو قالت فيه شي تتضرر مع ان الحق ما ينخاف منه

على العموم الحمدلله انكشف لك الحال وما أنصحك تقبلين فيه لو كان فعلا مثل ما قالوا لك لانه لا مرضيّ الدين ولا مرضي الخلق والله المستعان

الله يعوضك خير منه

ياحبيبتي..انا اشوف ايجابيته أكثر من سلبياته ماشاء الله تبارك الله...والتدخين ابدا مو عيب يخليك ترفضينه..صح ريحته خياسه بس عوديه مايدخن بالبيت..
وعشان ترتاحين زوجي كان مدخن عشر سنين قبل يتزوجني وبعد ماتزوجته قعد سنه وحده بس وتركه بفضل الله..ثم الدعاء في الوتر واخر الليل...والله العظيم انه الحين يقول ماعمري تخيلت اني اتركه يوم من الأياااام...الحمدلله من قبل ومن بعد..

أووووووه توني اشوف ردك حق الصلاه...الا الصلاااااااااه...
بس كمان اقولك والله العظيم زوجي ماكاااااان يصلي وكنت لما اقوله يقول انك لا تهدي من أحببت..وانا مرررره اتضايق وحاليا الحمدلله مايفووووت ولا صلااااه..زوجي الحمدلله مو من النوع العصبي ويتقبل النصيحه عشان كذا بفضل الله تغير بسرعه...

زوجي خبى علي انه يدخن وبعد الزواج انكشف ووعدني انه حبه حبه ويتركه بس للاسف زاد ادمانه لدرجه يدخن بكت او اكثر باليوم