ام زوجي مدري شنو قصتها معي

السلام عليكم
ذي اول مشاركه لي بالمنتدئ
المهم ي بنات ام زوجي مدري اشبها معي
ماتتكلم معي كثير وزوجة ولدها الكبير تسولف معها لدرجه اذا كنا جالسين تقوم ام زوجي وتخليها تجلس مكانهاع المركا ليش علشانها تقرب لها ع ان زوجة ولدها اذا بغت شي منهم ورفضو تقلب راس رجالها ع امه لدرجه يزعلون اسبوعين ع امه
موقف صار لي قبل اسبوع
انا حامل وبنتي ٨اشهور طلعنا للبر وتعرفون اغراض بنتي وسلة القهوه اغراض كثيره المهم قلت لاخت زوجي ٩سنوات تعالي شيلي معي بروح لسياره تخيلو امسكت بنتها وقالت اجلسي. قدامي بصوت مرتفع والي كانو جالسين معنا اسمعوني
المهم قامت حماتي الكبيره وحامل وشالت الاغراض معي من شافت بنتها شالتها قالت لصغيره الي قبل شوي جلستها قومي شيلي عن اختك
قهرررتني 😕
المهم معملتها اذا تجمعنا عند اهلي تصير معي مثل العسل واذا لحالنا بس ساكته وما تتكلم معي
واذا جت مرة ولدها الكبير ي سلام اسمعن السوالف والضحك ع انها تحرض زوجها ع امه وماهمها وتقوله بوجيهم
واذا زرتهم حطوني بالملحق وهي اذا زارتهم دخلوها بغرفة الجلوس الرسميه ليش وش الفرق بيني وبينها علشانها قويه شخصيتها وماعليها منهم
تخيلو قلت بزوركم قبل يومين قالو بنروح لسوق قلت الله يستر عليكم المهم طلعت انا وزوجي قال بمر اهلي اخذ اوراق المهم من جاهم الا مرت اخوه فيه
😕انقهرت
شنو اسوي مع ام زوجي كل الوسائل سويتها معها


سبحان الله وبحمدهـ❤️

39 تعليق 9,614 مشاهدة

شاركي في النقاش

سجلي الدخول لإضافة تعليق.

التعليقات

39
  1. @ampanynamp

    يمكن هي مرحه وغصب تخلي اللي عندها يسولف ويضحك 
    ودامهم يدخلوها بالمجلس الرسمي معناته علاقتهم فيها رسميه ومايبغوها تعرف شي يعني مو مرتاحين لها
  2. @bon_bon_4

    عادي حبيبتي عندي وعندك خير
    الله يهديهم بعض امهات الازواج ناسين انهم بيوم كانو بمكاننا
    عندي ام زوجي مانعه زوجي يسفرنا وتنبسط لبناتها اذا ازواجهم سفروهم
    حسبنا الله ونعم الوكيل
  3. @bkrh_ahlaa

    Danayh
    الله يسخرها لك حبيبتي ويهدي النفوس
    انتي قلتيها لانها قوويه
    فيه عينه من البشر كذا مايحترمون ويقدرون الا الي يجيبهم بالقوووه
    انتي سوي الي يرضي ربي عنك واااعليك منهم اسفهيييهم
    ولو تصارحينها وترتاحين وتقولين لها ليش كذا تعامليني ويش شفتي مني؟
    واذا تحسين مابتجيب نتيجه
    خليك بععيده وادي الواجب وبس
  4. بصراحه ام زوجك وقحه وقوية عين
    وهذى انتي عارفه مفاتيحها خلاص عامليها نفس معاملة زوجة ولدهم اذا صارت ماتجي الا بالقوة و الشخصيه
    حسبي الله ونعم الوكيل على الامهات اللي نفس كذا يعني الله واكبﻻ عليها هي ماكانت بيوم زوجة ولد ولها ام زوج؟!
    واذا زودتها صارحيها قولي وش اللي شايفه مني وليش احسك تكرهيني؟او الطيب ماله عندك مكان!!

تابعي تجارب أخرى من هذا القسم.