لقــــــــــــــــــــــــــــ ـــــــــاء الأحبــــــــــــــــــــــة (الجزء الرابع)

حللت اهلا و وطئت سهلا ...
عرفينا عن حالك اكتر يا نسروونة

يعطيكي العافية زهورة
والله ما قصرتي فيكي البركة :)

يلا يا شطورات هاتولنا سيرة ولا موضوع نتناقش فيه زمان ما حكينا بشي بعيد عن الزواج والخطبه والخلف والخ

تعالو نحكي بهالموضوع
شو رايكم بالاخبار اللي عالتلفزيون

بتحضروها او ما بتحبو تحضروها

انا صراحة ما بقبل افتح شي قدام الولاد

ولا بقبل اتفرج صحيح قلبي معهم وبدعيلهم والله طول الوقت

لكن ما بتحمل انا هالمناظر بحس بسكين انغرست بقلبي وصدري

بجيني ضيق وبصير وقت النوم اتذكر المناظر وبتعب ما بعرف انام
زوجي بقلي انتي مكبرة الموضوع وعامله فيها حساسه وانا مش هيكا القصد القصد عشان الولاد وانا بكفي قلقي كمان اقلق حالي حاسين فيهن الحمدلله ولكن شو بنعمل ؟ مالنا غير الدعاء
وغير هيك الله يخفف عنهم وعنا يا رب

حسبنا الله ونعم الوكيل

الله يعطيك العافية
نصائحك كلها رح آخدها بعين الإعتبار
مشكووووووووورة مهى كتيييير :)

انا ما بقدر احضر الاخبار كامله والتحليل ويا دوب الموجز اعرف شو صار بالدنيا
عدت فتره اشاهد الاخبار بشغف بعد اسبوع صار معي اكتئاب ببكي لاي سبب ما بتحمل اشوف من غير ما اساعد او اعمل شي لوقف الي بصير وما بيدي حيله او شي اعمله فبفضل اني ما شاهد هيك مناظر لانه ما في انسان بيتحمل يشوف منظر البنت تبكي على ابوها او منظر ام تبكي على جثه ابنها شي بقشعر البدن وبتكون غصه بقلبي
بس اللي بحز بقلبي انه بنشوف الاخبار ورغم هيك الناس ولا على بالها بتقول يا حرام وبتروح تنم عن جارتها او تكذب على قريبتها او تروح على حفله ابصر مين و تنسى صلاتها ما بيتعظو انه اللي صار ممكن يصر معهم انه يتقربو لله بدعاء وصلاه ما بتفرق معهم مثل ما كانو الناس ببيوتها بلبنان وفجاه ماتو وهمه نايمين فيه يا عالم مش يمكن تضرب قنبله غلط بيتك اللي قاعده فيه؟
ما بتحس الناس برهبه الموت وعظمه الخالق و الدنيا كيف قصيره وتتقلب احولها كيف ممكن باي لحظه بينقلب حال الانسان لما شفت منظر الاولاد بيلعبو بالشارع مع امهاتهم اللي امبين عليهم العز وسيارتهم الحلوه مش لاقين ماكن ينامو فيه هاي العيله هل فكرت للحظه انه ممكن هيك يصر فيها لا طبعا الله يخفف عنهم وعنا والله لايغير حالنا الا للافضل باذن الله