ضاقت الدنيا بي واصبت بالاحباط من مشروعي البسيط

خواتي اموت على شي اسمه مشروع
واي نقاش فيه اكيد بتقولو طيب ادخلي في التجاره بقليل او كثير صح
المشكله عندي امكانياتي قليله جدا جدا
وكذالك ظروفي صعبه جدا لما اكلم زوجي عن الافكار والمشاريع الي براسي
يضحك علي ويقول خلي ان كان بك نشاط في تربية عيالك
ولما ادخل منتداي الحبيب اول مدخل اتجه سريعا الى المشاريع والافكار واتحمس جاني مبلغ بسيط
وحاولت اني ابدا مشروعي بشراء بعض المنتجات الكهربائيه للحفلات مثل نافورة الشكولا والكاسات الفرنسيه وحتى مكينة الفشار ووصواني تقديم وعرضتهم على اهلي الي هم خارج الرياض لانهم في قريه ويتمنون احد يوصل هذه الاشياء لهم وانا كل اسبوع اروح لاهلي قلت اوفر هاذه الاشياء لانهم بعد معارفي كثار ماشاء الله
لاكن اصبت باحباط من اقربائي ماخذو شي منها ولاراح يسوقونها لي لما علمو انها لي
لاني حسيت بالحسد من عيونهم لاكن جبرت بخاطري امي واخواتي خذو مني
لاكن حزنت لم اتوقع منهم لانهم كانو يتمنون احد يوصل لهم وخلاص ضاقت بي الدنيا ابيكم تكفون ياتاجرات كيف واجهتو تلك المشاكل لا تقولون بانت سوقي ماعرف انا احب اعرض المنتجات الي عندي مباشره تكفون ساعدوني

18 تعليق 2,954 مشاهدة

شاركي في النقاش

سجلي الدخول لإضافة تعليق.

التعليقات

18
  1. @anaa_ghyyr

    ياحياتي انتي لازم تكوني مستعده لمثل هالاحباط واكثر بكثييير
    حاسه فيكي والله لاني مجربه شوفي دام حب التجاره بداخلك لاتتحطمي استمري كل شوى جيبي فكره ونفذي لحد ماتستقري على شي ترتاحي منه وكل الكلام الي تسمعيه من زوجك حاولي ماتتاثري منه صح من داخلك مقهورة كان نفسك يكون لك عون ومشجع بس بمجتمعنا انسي هالاشياء .معليش حكيت كثير ههههههه تحمست المهم بالنسبه اذا بتجيبي اشياء تسوقيها مباشره تعلمي من الدرس الي راح يعني لاتقولي لك قولي هذي لتاجره من المنطقه الفلانيه وانا اسوق لها انا جربت هالشي والله الاقار والجيران في التجارة ماينفعوك حتى سداد مايسددو الا بطلوع الروح
    وجربي تجيبي بضاعه تحسي انها مميزة وسوقي عالنت ترا مره حلو وانتي جالسه وربي يفتح لك ولي ولجميع البنات ابواب الرزق
  2. @nh2013

    آحسن شيء انك ماتقولين لهم انه لك
    قوليلهم حق وحدة وانا قلت لها بسوق لك
    ومثل هالكلام لاتعلمين احد انه لك انتِ
    ربي يوفقكك
  3. لا تياسين وحاولي بالاول تاجري برخيييص وعليك بالصبرررر وحاولي تتوسعي ع المدن اللي قريب من اهلك وتعلني عندها
    بيجونك رباذن الله سعر رخيص وكل حاجه موجوده بس يبي لك صبررر
  4. الافضل تقولي انهم لجارتك وطلبت منك تسوقيها لها او انك مندوبه
    وللمعلوميه حاولي بالتجاره ماتعتمدي بس على الاقارب انهم يشترون منك وخليكي صبوره مستحيل يجيكي زبائن بيوم وليله التجاره يبيلها طووولة بال
    وافتحي لك حساب بالانستقرام افضل مكان للتجاره

    ونصيحه من اخت لاخت عشان تتوفقي بمشروعك ارضي بالقليل وابتعدي عن الجشع عشان ربي يبارك لكي فيها موفقه يارب

تابعي تجارب أخرى من هذا القسم.