مالي شهرين متزوجه وحالتي كذا😭

أخواتي والله ما اضغط عليه وربي ايام الأسبوع مااقول له نطلع عشان دوامه ارحمه
بس يوم الجمعه اطلبه لان ماعنده دوام
وإذا على ماديته انا ماضغط عليه بشيء حتى بيتي أثاثه ماهو كامل
وإذا على المنتزهات يقول انا ولد فلان ماجي هنا
الله يسعدكم على الردود
إلى جنه الفردوس الله يجمعك بزوجك وعيالك عاجل لااجل

الله يعينك عليه
هذي بدايتها وشلون بعدين.

الله يعيييينك ويسخره لك ويهديه..بس انتي كلميه وهو رايق..واستعطفيه وخليه يحن عليك ..ربي يحنن قلبه عليك ان شاء الله...

ترا مو كل الرجال يحبون الطلعات والمطاعم والاماكن المختلطه

انا زوجي شوي كذا,, ولو طلعنا يبعدني عن الناس مرررره,, اقوله تراني لابسه عبايه يعني وش فيها لو شافوني,, يقول ولو انا مارضى عليك واغار

يعني فيه رجال طبيعتهم كذاا مو عن قساوه او مايبي يونسك.. بس نظرتهم مادري كيف..
المطاعم والله ماطلعت من تزوجت الا كم مره وبطلعت الروح لانه مو متعود.. كل شغله سفري.. مايحب نقعد.. اقوله ترا مسكر علينا شفيك محد شايفني يقول ولو ممكن احد يطل علينا او يدخل العامل وانتي كاشفه ههههههههههههههههههه
والله اقارن بينه وبين اخواني اقول سبحان من خلق وفرق اخواني مافي مطعم مايودوني ولا مقهى نفسي فيه الا نروحه..

وللمعلوميه توني مثلك عروس بس انا سابقتك بشهرين وشهر العسل مثلك عمره ولاقعدنا مشينا بيومها مع اني متعوده عند اهلي ع السفر برا..

وبيتي مثل بيتك رمضان جاي وانا قاعده بنص بيت من فضاوته مبتلشه .. بس كل شي يجي بالتدريج ان شاء الله,,

لاتخربين حياتك عشان طلعه.. يعني شوفي الطلعات اللي تناسبه وتكيفي معاها,, واذا رحتي عند اهلك اطلعي مطاعم مع خواتك واخوانك

مو شرط كل شي نفسنا فيه لازم يصير مع ازواجنا.. الحياه اكبر من مجرد زوج كل ماقلتي ابي قالك تم., فيه حياة نعيشها مع ازواجنا وحياه مع اهلنا وخواتنا وحياة مع صديقاتنا.. اللي ماتلاقينه مع زوجك عيشيه مع اهلك وش فيها. ترا هو بعد بشر ومتعود قبل يعرفك على طريقة ياة معينه.. فلازم نتغاضا دام هالشي ماهو من الحقوق الاساسيه..

يعني شغلات الترفيه تتعوض .. اهم شي الاحترام والموده

انتي لانك عروس تحسين مقهوره وانه لازم يدلعك ويسفرك ويمشيك .. وهذا كان تفكيري لكن شلت فكرة المقارنات من راسي وان فلانه يسفرها ويدلعها,, لان مالنا الا الظاهر والله اعلم تلاقينه يخونها والا يضربها او يهينها,, والله بديت اتأقلم وشوي احاول اغير فيه اللي اقدر

انتي حاولي تغيرين فيه.. مانفع معاه الصياح والدموع جربي الدلع.. مانفع الدلع جربي تقولين شوف هالمكان صديقتي راحت له ومرره تمدح فيه وارسلت لي هالصور ودي اروح له معاك.. حتى لو ماعلق عادي لاتزعلين,, ولو قال مافي قولي مو مشكله وخليك عادي بيأنبه ضميره بيوم..وبيتغيرشوي شوي, بس انت زني وكل مره جربي طريقه..لين تعرفين المدخل له

كلامي خذيه لو زوجك محترم ويخاف الله..
ولو هو غير كذا عاد يبيلها كلام ثاني..