الافراح هلت والاعياد زانت ❤ تباشيــ 5 ــر مواليد مايو.. & يونيو.. (2014) المحطـ 20 ـة

نهر دام وضع الجنين تمام نصيحه انتظري الصناعي مو مثل الطبيعي ابدا
واصعب شي لما يدخلون التحاميل ااااءءء

دانه ان شاء الله هذا الي جالسه اسويه وعطوني مرهم علبته حمرا
اصلا مااقدر اتربع احسها كثيره الخيوط ربي يعيننا وياجرنا يارب العالمين

سجلوني حلو استمري عالخلطه
بنات لمن تنزل قطعه كبيره بحجم صبعين هذا وشو??

بقايا اللهم امين و ربي يهون عليكم ويسهل اموركم وتولدون بالسلامه ولاتستعجلون احسن للبيبي علشان يكتمل نموه

اماليا اللهم امين وياك حبيبت قلبي

دعواتكم وبنزل الاكشن اليوم بااذن الله

نهر توك انتظري اسبوع
وشوفي وش تقولك الدكتوره بس انا من كثر ماسمع حالات تبرز فيها الطفل مانصح تطويل اكثر من اسبوع لاتخافين من الطلق الصناعي بالعكس يكون اسرع في الولادة توكلي على الله

انا سمعت ان الامساك ياخر الولاده يمكن هو اللي مخلي اغلب الحوامل تعوشر

وهذا الاكشن حقي جبته لكم
يوم الجمعه كنت احس باالالم تروح وتجي متباعده شوي طبعا قبلها كان في لقاء مع زوجي وقبلها كنت مستمره عالتمارين حقت تسهيل الولاده المهم كنت احس باالالم وكنت برا وزوجي اصر نرجع البيت علشان نمشي المستشفئ وانا اقوله لا مابي اروح الحين توني وهو مصر علي جيت البيت وكان الالم محتمل دخلت بنتي وروشتها وكل من جتني طلقه حاولت اوقف بس تروح بسرعه ماتطول واخلص بنتي بسرعه واطلعها وارتبها والبسها وانومها هي واختها المهم مالكم بالطويله اصر زوجي اروح وقلت لجارتي تنتبه لهم وهم نايمين ماقصرت الله يجزاها خير
واروح المستشفئ وانا خايفه والطلقه تجي بسرعه وتروح لمن جيت حطوني تحت الملاحظه شافو في طلق بس خفيف جت وكشفت علي قالت فاتح 3ونص قلت لها طيب مابي اجلس ابي اطلع قالت لا اخاف تطلعين وتجيلك ولاده فجآه طبعا انا خايفه من الطلق الصناعي المهم خلوني لمن الصبح وزوجي معي مسكين مواصل جت وقالت بكشف وانا ماسكه اعصابي كشفت قالت الراس فوق بس فتح 4ونص من الساعه 1 جيتهم وماكشفت مره ثانيه الا6 الصبحـ قالت لسا بعدين جلست امشي بالغرفه وجتني رجفه وبرررد وجت الممرضه حطت علي الحزام حق التخطيط وكان شوي ينتظم الطلق يوصل 200 وشوي لا ينزل لمن 54321 يبدء يقل يعني جتني بعدين عالساعه 7 كذا كشفت وصل 5 قالت خلاص بفتح المويه ويلا فتحتها وانا تجيني رجفه مو طبيعيه ويلحفوني بالبطانيه المهم ويبدء يشتغل الطلق زاد شوي بس جت الممرضه قالت لازم طلق صناعي بالمغذي لاانو اذا جلستي كذا ولا بكره راح تولدين وعطتني كل 10 دقايق 6 بالمغذي المهم طلبت اكسجين وابره مسكنه سئلت الدكتوره قالت اعطيها مو مشكله واعطتني الابره ويلا جتكم الحاله تخبيص وزوجي يقولي نامي وانا اقول له مافيني وان دايخه اصلا وشوي كذا اغط بالنوم
وكل من تجيني طلقه اقوم اتاالم والممرضه تقولي خذي نفس خذي نفس اجلس اتآلم وارجع انوم والطلق بدء يزيد لكن هالابره رحمه من ربي المسكن طبعا مو ابرة ظهر
بعدين اخر اخر شي عالساعه10ونص كذا نقزت من الخدره نقزه محترمه واقعد اهذري علي زوجي خرابيط واقوله بيطلع بيطلع حسيت بدفع وراح مسكين بسرعه دق عليهم وجو سريع سريع وجهزو العده بظرف ثواني الطاوله وسرير وسرير البيبي وانا اقول لهم احس بدفع بيطلع واجلس اصرخ بااخر لحظه حقت خروج البيبي وهي تقولي انتظري علشان تبي تلبس القلافز وانا مافيني انتظر خلاص ماقدرت ماامداها تسوي لي توسعه واحس بموت من الم الراس وهي تقولي انتظري لاتدفعين ماقدرت امسك نفسي المهم طلع البيبي ومسكته وحطوه علي علئ صدري واجلس ابكي انا صعنوني مره حيل صغير شالته من عندي وضربته بكئ بعدين بس اسمع صوت صدره بس لفته وخلته باالسرير والقابله جت ونظفتني تنظيف وانا اتآلم احس مره ماني قادره اتحمل وهي تصرخ في نزيف في نزيف خوفتني وعطتني 3 ابر مسكنه ومع كل ابره اتنقز المهم نظفتني عدل تنظيف جامد ومؤلم بنفس الوقت وبدت تخيط من جوا ومن برا لاانو شكلي صار عندي تشقق شوي من البيبي حبيبي ربي يحفظه ويطلعه لي بالسلامه وكانو حيل مهتمين وعنايه تنظيف لي نظفوني ولبسوني خلوني شوي بالغرفه ونقلوني الجناح بعدين جت الممرضه طفت الانوار وسكرت الستاير وقالت لي نامي يلا ههههـ ومن صحيت ابي البيبي قالو اول ماجبتيه وديناه الحضانه العاديه بس حسينا صدره شوي التنفس ونقلناه للحضانه المركزه ويارب يارب يارب يطلع لي بالسلامه وتقر عيني بشوفته سليم ومعافئ يارب ياكريم ياعليم ياحليم واللهم لك الحمد عالتساهيل وعقبال كل الكروشات صديقاتي الي كانو معي وصدقوني تااخيركم خيره لبيبياتكم لاتتذمرون ويارب تقومون بسلامتكم انتو وعيالكم يارب ويقوم لي صغيري بالسلام