السلام عليكم ورحمةالله وبركاته
بنات في شي ودي اشكي لكم من هم بداخلي
بنات انا كنت انسانه اجتماعيه درجه اولى ايام الابتدائي والمتوسط والثانوي حتى اذا غبت كانو
صحباتي يقولون المدرسه بدونك ملل وكنت محبوبه مره حتى بين بنات اقاربنا وناسه وضحك وسعة صدر
تزوجت بعد الثانوي واحد بس ساكت وان تكلم يغث وجبت عيال واخذوني من المجتمع وصرت ماطلع من البيت
بسبب عيالي صغار واتعب اذا جيت اطلع وشوي شوي صرت متعوده على قعدت البيت وماعاد ابغا اطلع
من فتره جربت اني اخرج من هالعالم الوحيد وصرت اروح للناس وهم يجوني بس اللي ضيق صدري اني صرت انطوائيه
ماعرف اسولف مع الناس او اناقشهم لاني لو شاركتهم احس ان كلامي بايخ مايلفت الانتباه ولاعرف احاور يضيع مني الكلام فاسكت احسن لي
قبل فتره رحت استراحه جمعة بنات بس من اقاربنا ومع انهم صديقاتي وقريباتي وكنا زمان صحبه ووناسه كنت منحرجه منهم وماعرف اتكلم ولا ارد على كلامهم وهم ماشاء الله ماغير فيهم الزواج
والعيال شي نفس النفسيه والوناسه يرقصون ويسبحون والسواليف والضحك ويحاولون اني اشاركهم بس انا انسحب بدون لاينتبهون واشغل نفسي
بعيالي ولا اجلس مع الحريم الكبار ولما حاولت اشاركهم وارقص احس اني ضايعه ومتخربطه واللي يزيد
الطين بله صوتي مبحوح ومايتحمل الضحك والصوت العالي في الاماكن الزحمه على طول يروح ويختفي لازم اسولف بشويش نفسي اعالجه بس ماعرف دكتور ممتاز خايفه لاني سمعت ان مو اي دكتور ممكن يعالجها لانها خطيره وممكن الشخص يفقد صوته اذا طاح في يد دكتور مو تمام
الحين عندي مشكلتين مشكلة شخصيتي اللي صارت مهزوزه والانطوائيه اللي انا فيها وصوتي اللي مايساعدني ساعدوني تكفون وانصحوني لازم اتعدل لاني اندم كثير لما ارجع من جمعه اقول بنفسي ليش ماقلت كذا ليش ماتصرفت كذا
مره مو راضيه عن نفسي وضايق صدري من وضعي نفسي ارجع زي زمان
شاركي في النقاش
سجلي الدخول لإضافة تعليق.
التعليقات
13- وش قضيتي وقتك فيه لما انطويتي بس غسيل وتنظيف وبيت وزوج واولاد
نسيتي نفسك شكلك على الاخر مو بس انطويتي
حبيبتي
حلو انك رجعتي للعالم الخارجي
لكن ارجعي اقري تابعي برامج يوميه تعطيك اخبار المجتمع تويترومجلات
لما تطلعي الاسواق شوفي الجديد
عززي نفسك كل شهر بقراءات مثيره كتاب قصه
قصه دينيه
ارسمي الابتسامه على وجهك
اهتمي ببشرتك وشعرك ولبسك يكون انيق ومرتب وكذلك اطفالك
صوتك ما اعرف طريقة علاج لكن لا تركزين على ان صوتك هو المشكله
عبي كيانك الداخلي بكل شيئ مفيد ومع الوقت رح تتحسن الثقه
ونصيحه لكل وحده لا تغيري من شخصيتك عشان رجل
لأن الرجال غالبا ما يتغيرون عشان امراءه
ماقد سمعت برجال قطع اخوياه وجماعته واهله عشانه تزوج والوحده بس تتزوج تدعي انها مشغوله وهي بالحياه تغرق في عالم الرجل وتنسى نفسها بدون لاتحس الوحيدهـ* وش قضيتي وقتك فيه لما انطويتي بس غسيل وتنظيف وبيت وزوج واولاد نسيتي نفسك شكلك على الاخر مو بس انطويتي حبيبتي حلو انك رجعتي للعالم الخارجي لكن ارجعي اقري تابعي برامج يوميه تعطيك اخبار المجتمع تويترومجلات لما تطلعي الاسواق شوفي الجديد …
فعلا قضيت وقتي بعيالي وبيتي وزوجي وحياتهم بس اني مهتمه بنفسي ولبسي وماعندي اي مشكله فيها واروح اسواق واعرف كل جديد وادخل مواقع التواصل وشاطره في التحاور مع الناس بس بالكتابه لكن ماعرف احاور
لكن اللي افتقدته واثر على نفسيتي هو اني انعزلت فتره طويله عن تجمعات البنات لين صرت احس اني غيرهم واحس اني تغيرت ماعاد اسولف واضحك ولا اعرف اشاركهم مواضيعهم مو لاني ماعرف ولاعندي معلومه بالعكس مثقفه جدا ولكن لاني اخجل واتلعثم واضيع الكلام وماتذكر الرد الا بعدين في بيتي لما اكون بيني وبين نفسي اندم اقول ياليتني قلت كذا وياليتني تصرفت كذا
وصوتي فعلا مرات يوقف حاجز اني اضحك واسولف خصوصا في العزايم والاستراحات يكون فيه ازعاج لازم ارفع صوتي واذا رفعته ينبح ويختفي- اذا حلو انتي مطلعه
وهذي اهم شيئ وجود المحتوى
اذا الخطوه الثانيه اجادة الكلام ومداخل المواضيع والمحاوره
ابدئي بالحديث مع وحده وثنتين فقط
وبس يضبط وضعك
ابدئي ادخلي بالمجموعات وسولفي
ولا تستعجلين بالكلام او تطولين
عشان ما ينبح صوتك
بس تدرجي
وتعودي على الوضوح والتمهل بالكلام عشان ما تتندمين
ودائما عودي نفسك ما تراجعك بالبيت وتكسرك
خلاص صار اللي صار وقلت اللي قلته انتهى
اهم شيئ ما يكون في حرام او غيبه او نية شر
لما تجين تردين اقري ردك براسك وقولبيه ثم خرجيه لاتصيرين اندفاعيه
شيئ مافهمتيه اطلبي من صاحبته تفهمك على مهل
حبه حبه ترجعين
حلو انك رجعتي لنفسك وتلاحقتيها
فما عليك كل شيئ يبي له تمرين وصبر
واهم شيئ انك تكونين مرتاحه بالمكان ومع الناس اللي بتطلعين معاهم
والتغيير اللي تحسين فيه يمكن الجديه الزائده اللي عندك اللي نبعت من تعظيمك للمؤليات والتربيه
فيصير صعب الاندماج بالانشطه الترفيهيه
او تقف حاجز عندك عقلك يبيك عاقله وجديه وام ومسؤوله وقلبك يبي الماضي والفله بدون حواجز
اذا هالصراع اللي تعيشينه عادي جدا كل اللي عليك انك توازني بالبيت وتدخلي المزح والنكت والخفه والضحك والجو المرح
وكذلك لما تطلعي برا تدخلي شويه من عقلك بالحديث وبالمزح والفله وقت الحاجه
والله ييسر لك ويسعدك - والتغيير اللي تحسين فيه يمكن الجديه الزائده اللي عندك اللي نبعت من تعظيمك للمؤليات والتربيه
فيصير صعب الاندماج بالانشطه الترفيهيه
او تقف حاجز عندك عقلك يبيك عاقله وجديه وام ومسؤوله وقلبك يبي الماضي والفله بدون حواجز
هذا هو اخت وحيده احن للماضي والسواليف والفله بس الجديه في حياتي وبيتي غرقت فيها سنييين لين نسيت الوناسه وصرت ماعرف اكون خفيفة ظل - الله يشافيك يارب
مواضيع مشابهة
تابعي تجارب أخرى من هذا القسم.