بنات الحقوني انا قلبي حيوقف بيوم

حبيبتي الشعير فيه المادة المهمة الي تغذي المخ والي تحفز هرمونات الراحة والسعادة ولاتنسين التلبينة هي وصفة رسولنا الكريم لعائشة لانها مجمة للفؤاد وتحتاجين وقت حتى تحسين بالفرق ودعيتلك ورح ابقى ادعيلك بظهر الغيب ان شاء الله والاخوات مايقصرون
اكثري من قراءة سورة لايلاف قريش
والم نشرح لك صدرك
خواتيم البقرة
واية الكرسي
والقران كله شفاء
واقري ايات الشفاء على ماء زمزم واشربيه
وان شاء الله مافيك الا العافية
قريبتي مثلك انفجعت بموت ابنها كانت وحدها بالبيت وجاءت تصحي من النوم وشافتة ميت وهو طفل وصارلها نفسك بالضبط واعرف معاناتك بالضبط وهي لازالت تتعالج لكنها خفت عن قبل فلا تياسين الزمي الاستغفار ودعوة ذي النون وخلي والدتك تدعيلك وهذه كلها اسباب للشفاء وربك وحده هو المشافي واهم شي لما تجيلك حالة الخوف انتهزي الفرصة واتكلمي مع احد جنبك اختك او امك قولي لها انا قويو وبعد مااخاف وانا مؤمنة بربي وسبحي وكبري وصلي عالرسول بصوت مسموع حتى الشيطان يبطل الوساوس
وان شاء الله تبشرينا بشفاءك

خليني اكون صريحة معك اكثر
لانه غالبا العلاج النفسي يعتمد على كشف الستار عن حقيقة اعراضك ومسبباتها اللي انت عارفتها بالاصل وعقلك ينكرها وهذا هو سبب كل معاناتك

ياقلبي مهما اكلتي او شربتي من علاجات او دخلتي دورات علاجية ماراح تستفيدي شيء بتاتا وخذيها مني ماراح تحسي بتحسن ولا 1٪
لانه عقلك رافض الاستسلام والاعتراف انه قلقك وخوفك من هذه الاصوات مالها داعي
رغم تعبك الجسدي اللي ارهقتيه وصرت تبحثي عن علاج ينقذك

دخولك لمنتديات لتعليم الاسترخاء والبرمجة العصبية واستخدامك للعصفر والتلبينة وسماعك ايات الله وقراءة القران كلها ماراح تفيدك بسبب اعيده لك بصيغة ابسط

انت معلقة سبب علاجك بشيء خارجي

على بالك مجرد اكلك لعلاج معين بتختفي الاعراض
مجرد انضمامك لدورات الاسترخاء بتختفي الاعراض
فتلاقي نفسك تنفذي كلامهم بالحرف ومنتظرة من هذه الاوامر انها تخفف اعراضك
لا ياقلبي ابدا
الدورات هذه ماتعالج احد
هذه تعلم كيفية العلاج للشخص اللي عنده قناعه انه قادر يعالج نفسه بهذا الاسلوب

اضرب لك مثال للمدخن
لو دخل دورات البرمجة العصبية لتدريبه على الاقلاع عن التدخين
والله لو يقعد ياخذ شهيق وزفير ويغمض عينه ويفتحها الف مرة
لو هو دخل الدورة وماعنده نيه يترك التدخين ماراح يستفيد شيء ولا راح يحس انه رغبته تقلصت ولا نص في المية


اضرب لك مثال اخر واقعي
الطفل الصغير لما اخوه يعضه او يضربه او يجرحه حتى لو نزف دم
ايش بيسوي بيجري على امه جري والله لو حطت له الف علاج يخفف الالم ماراح يوقف بكا ويفضل يصيح واي واي وممكن لليوم الثاني يتذكر الموقف واي واي
بس حركة وحدة تخليه ينسى انه يتوجع حتى لو جرحه كان عميق
عارفة كيف ؟!

اذا امه حضنته واعطته بوسه على نفس مكان الالم ولا حتى نفخت فيه و قالت له خلاص يا حبيبي بتطيب ومعد تحس بشيء
فقناعه الطفل بكلام امه هو سبب تخدير مكان الالم
ولو الف شخص قال له نفس الكلام وعمل نفس الحركة معاه
خاصة لو كان شخص غريب والطفل مايثق فيه
راح يحس انه قاعد يتالم ويصيح حتى لو كان جرحه خدش بسيط ماله اثر

فصدقيني انت الوحيدة اللي تقدري تطلعي نفسك من هذا الوهم
عشان تريحي نفسك فقط لاغير
مو عشان تريحي اهلك او عشان المجتمع ماينظر لك نظرة عجيبة

ارجعي استخدمي كل الوسائل اللي استخدمتيها في العلاج قبل وارتحتي لها
بس بشرط باحساس وبدافع مختلف وثقة وايمان بالله تعالى اولا
ثم بقناعتك التامة انه علاجك يعتمد عليك انت
والوسائل هذه من اسمها وسيلة يعني مجرد
اداه تساعدك وتعينك فيها بعد الله

والله يشرح صدرك ويشفيك ويحفظك لوالدينك

يا عمري . ربي يشفيك ويعافيك ويهدي بالك يارب

حبيبتي الله يشفيك يارب
و الله يرحم اخوانك ويدخلهم فسيح جناته

اول مره اخذ راحتي واتكلم بمشكلتي كذا
اهلي للأسف شايفينها شي تافهه ودلع وفتره ويروح وانا يعلم الله انه مودلع وشي غصب عني

لولو ياه قريت كلامك كثير واعيد فيه تسلمين يالغاليه ماتقصرين اكيد اخت وغاليه
احترت ايش اكتب لك ايش اقولك زحمه كلام براسي
كلها عتاب وكره لنفسي
بنفس يوم وفاتهم طلبو مني اسويلهم حلى يحبوه
وانا قلت لهم لا
لاني كنت زعلانه واعاند اخوي وتاج راسي وحبيبي
حاولو فيا اني اسويه ومارضيت والله ماكنت ارفض لهم طلب لاني كنت احبهم حيل
بس هذا اليوم كنت زعلانه على اخوي الكبير وكنت بعانده وما ابي اسوي شي
تعرفون ليش كنت زعلانه لاني بكل غباء طلبت منه يشتريلي بسكويت من البقاله وقالي تعبان ارتاح واروح اجيب لك كرتون بس خليني ارتاح
وزعلت عليه وقلت له ماعاد اسوي لك شي
والله هو بعد ماارتاح راح وجاب لي كرتون من البسكويت عشان ارضى بس كننت اعاند ومسويه زعلانه واقوله مابغاه ولااكلته
ااااااااااااااااااااااااااااااااااااااااااااااه ودي اذبح نفسي على غبائي
اناسخيفه غبيه ليتني انا الي مت ولاهم
خليتهم يخرججو وهم نفسهم بالحلا ماسويته عسى ايديه الكسر

كرهت كل شي حلى ماعاد احب أي شي فيه سكر
كرهت البسكوت والله لو اشوفه مع احد احس وقتها كأني مغمى علي ومتجمده

انا مليانه حسره وكره لنفسي على كل شي سويته
انتو متخيلين يوم وفاتهم اناكنت مره قاسيه معاهم وماعطيتهم وجه
احس قلبي يوجعني ومخنوقه
والله ما اشوف الكيبورد من الدموع

انابعزاهم مابكيت الا اول يوم عزاء بعد كذا ماكنت اقدر انزل أي دمعه حسيت كل شي فيا تجمد
وماعاد احس بأي شي لومن يموت وقتها ماعاد صار يهمني حسيت مشاعري وقلبي مات


ام جود

انا ابي اتغير لاني انا تعبت

ابي انام بدون ما ابكي بدون ما اخاف

بدون ما اتحسر واكرهه نفسي



بنات اناصح اتحسر واتعب بس والله تجي فترات ما اتذكر حسرتي اوشي
خصوصا بالجامعه او جمعة الاهل
انا ما اتذكر الالما اجي انام
احس الحسره الي انافيها طبيعيه
بس خوفي هو مشكلتي

احس موعارفه كيف اوصل لكم كلامي او افهمكم اسفه اذا كان مومرتب او لخبطكم