موضوعي عن الشوفة الشرعية تعالو بقول لكم قصتي :)

وعليكم السلام والرحمة 
يشهد الله اني متابعة المنتدى من زمااااان وموضوعك هو اللي خلاني اسجل في المنتدى حبيت ارد عليك لاني مريت بنفس الموقف .. تقدمو لي ناس عاديين اقل منا في الحسب والنسب والجمال عارفه كلنا بشر ومصيرنا تراب بس حبيت اتكلم بمفهوم المجتمع الحالي انا جامعيةبتخصص صعب وناااادر وعلى قدر من الجمال والبياض الحمدلله والحسب والنسب عائلتي اشهر من نار على علم في المستوى الإجتماعي المهم انا ماارتحت من الاول سبحان الله بس خفت اكسر فرحة امي وخصوصا انها عطت الناس كلمة للشوفة الشرعية تحدد اليوم وجات امه واخته عاديين جدا في كل شيء دخلت وسلمت وجلست في الجهة المقابله والبنت طووول الوقت تبتسم والام نظراتها حادة وسألت كم سؤال وجاوبت وبعدها قمت والله ماابالغ اذا قلت لك جلستي كلها ع بعضها مااخذت خمس دقايق حسيت بضييييقة فضيييعة اطالع الباب اقوب متى اطلع بس وبعد صلاة المغرب من بكرا صليت الاستخارة وجلست اتقهوى مع اهلي وتوصل رسالة على جوال امي من امه تعتذر وتقول ماصار نصيب ..والحمدلله على كل حال كلي أمل بأن ربي بيرزقني زوج فيه كل المواصفات اللي اتمناها واحلم فيها .. والله يرزقنا جميعا الازواج الصالحين 

كثير هالمواقف تصير الله لايسامح هالامهات
تدخل بيوت الناس تتفرج وتنتقد
وتلاقين ولدها أقل من عاااادي

الله يرزقنا وياكم الازواج الصالحين اللهم امين

صار لي هالموقف مرتين
والثالث الرفض جا من الرجال نفسه
والله ولا هموني كلاً ادرى بنفسه وخليچ واثققققه ترا رفضهم مو يعني فيچ قصور او اي وحده مرت بهالموقف
لا واللي رفضوني ابشرچ كلهم مطلقين وكبار وانا بحدود ال ٣٥ كلهم
وربي وربي
ريلي الحين احسن من اللي تقدموا كلههههههم
عمرا
شكلا
اخلاقا
بكل شي ولله الحمد
خيررررر ررررررررررررررة خيرررررررررررررررررررة باعلى صوتي وربي خيرة مع كل رفض

انا مع اللي قالت المفروض ما نعرض البنات على الحريم
كنت احس كأني سلعه حتى لما ادخل واسلم احس بكسرة خاطر

الحمدلله ع كل حال
مع بناتي ما راح اسوي چذي بإذن الله ...

اذا مكتوب لك بيتزوجك
حطيها ببالك وكل بال وحدة واقولها الحين لنفسي
لو هالشخص مكتوب بيصير زواج
لكن النقطة اللي مو عاجبتك هو طريقة التصرف والكلام
فاطلب من كل أم واخت اذا بيخطبون لولدهم تعلموا اسلوب الكلام واستحوا من الناس

وايؤيد ان تروح الأم وولدها

البنت تدخل علي الولد ويشوفها


عن نفسي احد المواقف جاءت الأم ارتاحت لي وهي راضية لي تماما ولكن لم اتزوج ولدها لانه ماهو مكتوب اني اصير زوجة لولدها

وانا قررت اي خطبه الولد يشوف لكن /: امي ماتوقع راح تقول تجئن مع ولدك ؟ راح تقول اذا طلب الشوفه منه هو ؟
وهنا ودي اعرف طريقة لو حصلت خطبه كيف اواجهه أمي أنى الشوفة للولد وان ارتاح بعدها يكملوا ؟