السلام عليكم وصباح الخير
وكل عام وانتم بخير وربي يبلغنا وياكم رمضان
ادخل في السالفه على طول
انا متزوجه تقريبا من ثلاث سنوات وكان زوجي يصرف علي يعني اي اطلبه من يجيبه ماشاءالله طبعا بحدود مااكلف عليه بالطلب
وتقريبا من سنه وكم شهر تقريبا سنتين بدا الرجال يتغير صار مايعطي ويجيب كل شي بحدود ماادري هو يجمع ولما اطلب الحاجه تطلع روحي وياليت يجيبها يعصب وانتي ماتبين اجلس بالبيت بس تنكدين علي من تشوفيني طلبات وش اسوي ضروره للبيت وبعدين يتعذر ماعندي فلوس وبعدين وعلى الراتب واسكت ويجي الراتب ويخلص وماشفت شي وغير كذا كم مره وانا ارتب القى فلوس بدرجه وفي بوكه يعني مبلغ يكفي الاغراض الي ابيهاويزود ولما قلتله صار يضحك ويقىل منهن لي لواحد ومره لاابوي ومره لاخويواللحين صار مايحط بالبيت شي
ومره لما تناقشنا يقول مزاج انا ماابي اسويلك شي
قولولي يابنات وش اسوي شلون اتصرف
الله يوفقها من تدلني للحل الصحيح
شاركي في النقاش
سجلي الدخول لإضافة تعليق.
التعليقات
7- والله الله اعلم وش فيه ؟؟ بخلان عليكم ؟؟!!
بس يمكن يبي يوفر للمستقبل ..
بس تقدرين مره تكلمينه بهدؤ وتسألينه ؟؟ وتقولين يابو فلان انا ضايق صدري وشايله بخاطري ومن زمان
احس انك متغير علي عسى ماشر ؟؟ انا ابي تتدلعني وماتقصر علي وتبان علي الراحه مثل الحريم ابي اكشخ والبس .. ومن هالحكي ..
وشوفي وش يقولك ؟؟؟
وقولي له ابي مصروف شهري لي ..
وشوفي عنه .. - اختي اذ كان مقصر معاك في الطعام والكسوة افعلي كما أوصى النبي صلى الله عليه وسلم المرأة التي اشتكت للنبي صلى الله عليه وسلم فقال خذي ما يكفيك وولدك بالمعروف وانتي لا تكلفين علية بطلبات كل رجال مكلف حسب قدرتة
( لينفق ذو سعة من سعتة )
وتقربي من زوجك وتدلعي علية ريحية عشان يحبك اكثر ويحن قلبة عليك واختاري الوقت المناسب الي تطلبين فية والله يوفقك ويسخرة لك - الله يوفق الي ردت علي
بس نسيت شي مهم دايم يقول كلها سنتين ونص ويخلص قرضي وبعدها بسوي تغير في كل شي
قلت ليه تتكلم عن نفسك بس وانا وولدي بعد كل صبري على وضعنا حتى بالتفكير م****ركك هويسكت
وبالنسبه مايقصر في الاكل بس في نواقص بالمطبخ وبالاثاث يعني اشياء ضروريه
وغير كذا مره كان ماسك ولدي ويقوله تبي ام ثانيه ولما امسكه انا ويبكي يقول مايبيك - شكله ناوي يعرس ..!
الله يفرج همك - اختي الله يفرجها عليك
زوجكك ماتغير الا لسبب
اما انه في احد يعبيه عليك
اوفي عنده التزام ثاني الله اعلم ايش ما احط بذمتي
او يجمع يبي يعرس وخصوصا سالفة بغير كل حياتي وام ثانيه
ماقول الا الله يسخره لك ومايشوف غيرك
بس ثقي اذا زوجك يحبك لاتخافين لان الي يحب بصدق مايبخل ولا يبيع ابدا بس يمكن مضغوط شوي مديون وكلامه ام ثانيه وبغير يمكن مزح
اما اذا تدرين انه مايحبك توقعي منه اي شي
مواضيع مشابهة
تابعي تجارب أخرى من هذا القسم.