ذكرياتي ب رمضان ! وانتم ايش ذكرياتكم

انا من مواليد١٩٨٥ذكرتوني برمضان زمان والله لما اتذكره يتقطع قلبي كنت احب برنامج حروف والبيت ريحته سمبوسه وشربه كانت ايام حلوه وكانت مسلسات رمضان هادفه ونظيفه مو الحين الله المستعان الحين كان كل شي له طعم بالذات قبل المغرب بشويه كانت امي الله يحفظها تعطينا صواني نوديها لبيت الجيران وهم كذاك يذوقونا من فطوهم كنا نفرح نذرق من فطور غيرنا الحين كبرت وتزوجت كل شي ماله طعم يازين زمان وايام الطفوله والله يرحم اللي ماتو

يااأاااه يالدنيا كنا ندرس الساعه تسع ..

انا نفس ميلادك ياصاحبة الموضوع 
ياااااه يابنات نزلت دمعتي يازين الطفوله والوالده تحضر الفطور وبعده نجتمع كلنا والسحور اذكر كنا ننام وامي تصحينا انا واخواني لسحور اذكر وحنا متجمعين كلنا عند السفرة مع ابوي وانا واخواني ننعس فينا النووووووم ونقوم من قبل الظهر نلعب 
وبابا فرحان الله يرحمه ويغفرله ظليت اتابعه لين تخرجت من الثانويه ههههههه

ايه ونسيت اقولكم جدتي الله يغفرلها اذكرها كانت جالسه معنا وحنا نتابع سباق المشاهدين انتم نجومه ههههه وكانت تقول عن المذيع الغامدي وانا امك كل ليله يلبس ساعه جديده يازين ساااعاته هههه

الله واذكر جدتي ام ابوي تعزمنا على الفطور واذا دخلنا بيتها نلقاها بالحوش تقلي اللقيمات ماتقلي على الفرن اللي في المطبخ عشان الريحه وكانت لقيماتها صفرا وكبار بزياده وكانت وقت الفطور تحلف ماتخلي احد يصب القهوة غيرها ووقت العشاء تاخذ سجادتها وتروح للجامع وحنا نبقى مع بقية العائله في بيتها واذا رجعت من التراويح نجلس مع بعض الله يازين ذيك الايام ماتلاحظون تأثرت مره كل ماتذكرت شي رجعت لكم اكتب هههههه