مين تعرف وحده فيها اكزيما وتشافت طمنوني

حبببتي اذا بتشتغلين في بيتك ادهني يديك بفازلين والبسي قفازات هذي نصيحة دكتور الجلدية في عيادات ديرماا الدكتور فهد السيف لاختي عندها اكزيما بيدينها وصرف لها مرهم ان شااآء الله اجيب لك اسمه

انا اعاني منها 28سنه من لم كنت طفله شوهتني وعذبتني مره 
والحمدلله مع البلوغ والكبر خفت  من الهرمونات الانثويه لها دور كبير فتخفيفها تلقائيا

بتقولي ايش العلاج ؟!!

مالها علاج يبيدها نهائي لكن لها وقايه ابتعدي عن المثيرات الي تحفز لك الهرش والحك مثل مواد الغسيل وبعض الاطعمه داخليا وخارجيا مثل الطماطم  جربي قطعي طماطم وامسكيها بيدك بسرعه تثيرك للحك 
والتونه والبيض والموز والجمبري 
البسي قفازات اثنا الغسيل 
الان عشان ترطبي يدك 
جيبي علبه فاضيه 

وسخني ع نار فازلين مقدار كوب اول مايذوب ع طول حطيه فالعلبه وعليه كوب زيت زيتون بكر واعصري مرهم بيتامين  عليها سعره ب5ريال  اذا عندك من زبده الشياء الصفرا الطبيعيه اضيفيها انا ماعندي فاستغنيت عنها بس رهيبه فالترطيب والعلاج
المهم قفلي  العلبه ورجيها قبل ماتنامي ادهني منها انا استعمل هالخلطه لبنتي 
عمرها 4سنوات منتشره بجسمها كوله فجاءه جتها والحمدلله فادتها كثير بس لازم ع طول تعتمديها اذا راحت الحساسيه سوي الخلطه مع الاستغناء عن المرهم  بس لاتعرضي يدك لشمس فقط قبل النوم او وانتي بالبيت 
وربي يشفيك ويشفي بنتي شفاء لايغادره سقما

انا استخدمت كريم ديموفيت الاخضر لولدي فيه اكزيما في القدم من تحت والحمدلله شالها تماماً وقبل استخدمت علاجات كثيد ولا جابت نتيجه بس بعد دريموفيت الحمدلله راحت بس لازم تستخدميه لين تروح منك وبعدها وقفي وابتعدي عن اي شي ممكن يثيرها وبما انها في يدك يعني لاتغسلين ولاتمسكين منظفات ولاتشتغلين الا وانتي لابسه جونتيات يعني لاتخلين اي منظف يلامس يدك مباشره واستخدمي صابون طبي او بدون عطر ليدينك وجسمك وحتى الشامبو لما تغسلي شعرك البسي الجوانتي او القفازات لان اي نوع حساسيه ما يختفي او ينتهي العلاج يعتبر مؤقت لها بس مع المحافظه والبعد عن المثيرات ترتاحي منها وربي يكتب لك الشفاء

تعرفين لوشن نيفيا للبشرة الحساسة اللي تجي علبته مايلة من فوق ولونها موف فاتح ؟ هذا واحدة وصفته لي وكانوا عيالي عندهم اكزيما في باطن القدم وماخليت دكتور ولا علاج ولا وصفة الا سويتها لهم ،، وماكان فيه نتيجة ، وسبحان الله من استخدمت هذا اللوشن تعافوا الحمد لله .. جربي اذا مانفع ماضر بإذن الله ..