السلام عليكم ورحمة الله وبركاتة
يا بنات انا شريت قماش رمضاني وحابه احطه ع جدار الصاله كاملا
سؤالي هنا كيف اقدر اثبته ع الجدار
بدون ما ادق مسامير ف الجدر
وكمان سؤال ثاني الفوانيس الرمضانية فين احصلها
واذا عندكم افكار اضافيه غير القماش والفوانيس
ياليت تقولوها
الله يبلغنا رمضان جميعا لا فاقدين ولا مفقودين
شاركي في النقاش
سجلي الدخول لإضافة تعليق.
التعليقات
10- في هوم سنتر أختي اخذتها مناك قصدي الفوانيس
- الله يجزاك خير دلوعه
والباقين ماعندهم خبر - شوفي احنا نعمل ركن في غرفه الجلسه العربيه
نجيب القماش الرمضاني ونغطي في جدار زاويه وحده نثبته بلصق امريكي لكن انتبهي اذا عندكم ورق جدران
ونعلق فوانيس اخذها من هدايا سنتر (في جده)
وتحت في الارض بنفس المكان نحط طاوله ارضيريه ونفرشها فرشه من نفس القماش ونحط عليها تمر معجون ومكور بالسمسم وحلويات وشوي موالح مكسرات ونحط علبه صغيره ناخذ شكلها تراثي ونحط فيها اكياس صغيره كل كيس فيه بن وهيل وزعفران (للقهوه)
وجنب الطاوله نحط كانون كهرباء ونحط فيه دلال القهوه
وبعد التراويح جمعتنا بالغرفه ونعمل قهوه
وسلامتك - ذكرتيني والله مانزلت الاغراض وماباقي شي عن رمضان
- معليش حبيت اعلق عالموضوع في ناس تقول والله فاضين اللي يسوون كذا أنا أشوف انه له فايده كبيره يصير الشي ذا مخصص لرمضان ما ينفع نسويه وقت ثاني يثبت بأذهان أولادنا بدل المسلسلات الهابطه ويستنون رمضان لانه تميز بشي حلوه ويصير جو روحاني اذا ربط ببعض الأذكار والتلاوات. وبس سلامتكم
مواضيع مشابهة
تابعي تجارب أخرى من هذا القسم.