ااااااه من العملية القيصريه

حبيبتي انتي متاثره نفسيا احد جالس يحزنك على نفسك ووضعك

قولي الحمد لله تجيبين اطفال اصحاء لا معوقين ولا يموتون

تخيلي بعد التعب دا كلووو يموت طفلك او يجيك معوق

انتي عشان نفسيا منتي متقبله ولاتسمعين لكلام الحريم

والعدد تقدري تجيبي 7 اطفال نعمه وخييييير في هالزمن

صدقيني كل شي للانسان مكتوب له أي شي بحياته وخير له

لاعد تفكرين وخلاص ولدتي وقمتي بالسلامه وليش هالتفاكير

ربي عيالك واشتغلي بنفسك وببيتك وانسي قيصري ولا طبيعي

ماتودي ولا تجيب

مستحيل بيقصرون معك اهلك بس شكلك اتبالغين او تتامرين عليهم بزياده  حاولي تتحركين انتي شوي شوي وبيني وبينك احس الواحد الحين يالله يخدم نفسه  فحاولي تخدمينهم زي مايخدمونك تهدينهم في افكار كثيره تكسبينهم فيها اما لو تطلبين منهم كانهم مكلوفين فيك ولا ضروري يساعدونك كذا انتي تنفرينهم منك اختك اللي تحتك حاولي انك تشرحين لها وضعك اما امك انتبهي انك تتطلبين منها او تتاففين انا جربت وحده من خواتي كذا وحده اكسبت البيت كله باسلوبها وترغيبها لاخواتي وحده بس متنرفزه كانا عبيد لها ويويل احد يهاوش ولدها بس روشوه واخدموه سلامات وحتى تنافخ على امي هذا لو تنزف ما اخدمها لانها نفرتنا منها ان قربتلك وانتي افهمي والله يعين فاكيد انتي لك دخل بالموضوع انهم ما يخدمونك

انا الحمدلله مصلحه عمليتين واهم شي تاخذين فتره راحه كفايه عشان ماتنتكسين وغيري كذا الحركه والمشي مفيد واربطي بطنك علي خفيف واشربي حلبه مفيده مره تقوي العظام

ثلاث عمليات وتعبت فيها تعب مايعلم به اﻻالله ..والحين مقبله على الرابعه  ..وكلت امري للحي الذي ﻻيموت ..اتكلي على الله وهو كفيل بك وﻻتفكرين ﻻن النفسيه والتفكير هي الدمار 

انا زيك والدة مرتين عملية وكنت ف النفاس مكتئبة ومتضايقة عشان العملية كرهت الحمل والولادة بس الحين اقول الحمدلله عندي اولاد سواء عملية او طبيععي غيري محروم واهم شئ سليم ومعافى تخيلي لوتولدين طبيعي ويصير له نقص اكسجين ويجي معووق ولاتحاولين تولدين طبيعي ارضي باللي كتبه ربي وراح تتحسن نفسيتك
تاكدي ربي يختار لك الافضل والخيرة فيما اختاره الله