السلام عليكم
مانبي نخرع البجريات هههه
ماكو انا كنت نايمه وقعدني المغص ورحت الحمام والله يكرمكم جاني اسهال وامسح ولا دم خفيف
وارد لفراشي وذابحني المغص اشوي ولا يجيني مغص اقوى بموت منه
وابجي وحسيتها ولاده لان اول مره وانا البس لبست عبايه شكل والشيله مال عبايه ثانيه هههه مانتبهت الا لما طلعوني من المستشفى
المهم وانا البس واحس دفع ماي قوي عبالي بيطيح البيبي هههههه
واقول لزوجي واهو يقول عادي لاتخافين واحنا بطريج زاد الطلق وانا واء ويء بجي مسكين مابقى اشاره ماقطعها
انا ادري انه مخترع مثلي بس مايبي يوترني
المهم ودوني الوضع فوق كان وقت الفجر وكان في دكتوره مصريه تهدي فيني وانا اقول ابي دكتوري وهي تقول بس نشوف الرحم كم فاتح وندق عليه جان تقول فاتح بس 2 سانتي جان انهار بالبجي ههههههههه وانا اقول لااااااا خلاص ماراح انطر ناديه ماراح اتحمل الالم هذا ،، المهم عطوني كمام لان الماي منكت والطلق زاد علي وفضحتهم بالمستشفى وانا اصرخ ههههه
بس الي يضحك بالكمام السستر اجنبيه تسالني شسمج وانتي ووين بالانجليزي وانا اقول بالجنه تستعطبين طبعا بالانجلش ارد عليها هههه واهم يضحكون اسمعهم بس تعرفون الكمام بس تاخذينه تحسين انج بعيده والصوت يبدي يختفي وتغيبين عن الوعي ،، واهي مسكينه تسالني تبي تتاكد اني نمت ههه
وولدت جبت احلى ولد بدنيا ولله الحمد
والفال للجميع ويرزق كل من تتمنى الظنى
قولي لنا قصة ولادتك ...
متابعة النقاش، صفحة 14