سلاااااااااااام عليكم
عندي هرج كثير ونفسي اقوله مره وحدة عشان ما انساه
المهم ريفال هلا حبوبة ...بجد رحتي للمركز ورجع لك التساقط؟؟ طيب انتي كملتي معاكم كل الجلسات؟؟ الى الان وانا اسمعهم طايرين فيه... انا كنت متحمسه بس دحين مدري
هلا والله مرمر زماني...كيفك؟
اول شي سؤالك ليا فينك من اول سؤال يضرب عالوتر لاني انا عندي قصة مشهورة في جدة
انا انسانه اعشق النت وامي تكره بطريقة بطالة ودايم تسب لما ادخله والفترة الاخيرة ادخله خلسة
يادوب اكتب كلمتين ومجرد اسمع دمدمة اقدامها قلبي يوقف هههههههههههههههههه
اخاف اخذ دعوة طايرة من هنا ولا من هنا ...الله يستر
بالنسبة لمركز ساندرا انا منتبهت مين كانت تسأل ...هو انا قادرة اركز من رعب امي هههههههههههه
وبعدين خلاص انا قررت ان شالله اعمل تقشير عند حنان بس مو كريستالي
ابغى شي اقوى ... تقشير ديناميتي مثلا للركب والاكواع والبلاوي المستخبية
بنتوقار غريبه في مصر بعشرين ريال؟؟ مصرح م نوزارة الصحه عندهم؟؟ يمكن يختلف عن بقية
البنتوجارات هههههههههههههههههههه
خلاص قررت كثير معاكي وياخوفي يطلع عندك النت مفصول بعد الهذرة هاذي كلها
اختي امل انا قبل ثلاث سنيين جاتني حالة اصرار ابغى اعمل تقويم اسنان ورحت المدار وكان اول مافتح وكانو عاملين عرض تقسيط 200 ريال ورحت عند دكتور اسمه زاكي ودفعت مقدم واخذ القياسات والله لما شفت شكل اسناني بالمعجون اللي اخذ فيه قياس تركيبة الاسنان انفجعت وتفشلت
من شكل اسناني واختي ماتت من الضحك وماتوقعت تطلع كذا مع العلم انه اسناني شكلها طبيعي
والحمدلله لما تشوفيها بس عندي لخبطه خفيفه تحت... وقال لي انه بستة الاف ولو تبغي الشفاف بسبعة
وقلت اوكي بس بصراحه ماكملت لانه المشوار بعيد ...وصاحبت اختي راحت وقلها ثلاثة وعشرين الف
حسيت انه مره كتير...وطنشتهم...ودحين كلمهتم قبل كم شهر على فرعهم الجديد اللي عند جمجوم وقال
تقسيط 300 ريال كل شهر .. توكلي على الله واستخيري وروحي لهم
بنت ناس كيفك؟؟والله حكاية الست تبع الدلكة والحلاوة خوفتني جزاك الله خير
%# *ملف جديد ....... وتجمع غير لبنااااااات جدة غير *#%
متابعة النقاش، صفحة 358