نصب حافز مخالفة لشهر رمضان ورمضان مابعد دخل احد يفهمني

حسبي الله عليهم

الله لايوفقهم ولايحللهم دنيا وآخرة ذلونا على هالحافز نظام استعباد ادخل اطلع اوقف اقعد
ام منوش مافهمت عليك يعني بتنزل الفلوس برمضان مع مخالفة يعني خصم والا لا
مااعتقد لاني اول مخلصة كل الدورات التدريبية وعلى بالي خلاص ماادخل وكنت تعبانة ومادخلت
بعدها باسبوع منزلين لي عقاب اربع دورات تدريبية خلصت منها 2 وباقي 2
ودخلت على دليل حافز يقول اللي يجيه مخالفة وهو في مرحلة التقييم يرجعونه من اول وجديد 3 شهور كاملة تقييم نظام مهرجين
عندهم شهاداتنا وخبراتنا يبون يدورون لنا وظايف والا ياكلون تبن ويمشون لنا حافز ورجلهم فوق رقبتهم
والله قهر لاوظيفة ولاحافز والعمر راح راحت ارواحهم
والله مالي خلق اتصل وانطر زحمة خطوط عشان يجي موظف والا موظفة ويكذب علي بكلمتين هم وبرنامجهم وموظفينهم نصب بنصب
اللهم اننا لانحللهم دنيا وآخرة باللي يسوونه فينا

شوفي بنهايه الجدول مكتوب تاريخ نهايه المخالفه. اذا حدثي كل اسبوع ب انتظام. راح يلغوا المخالفه وينزل المبلغ كامل. انا مثلك نزلوا لي مخالفه بس في اخر الجدول كتبوا تم الغاء المخالفه ونزل لي المبلغ كامل بدون خصم. انتي شوفي كم نزل لك وهل فيه خصم. مكتوب في خانه دفع المخصص المالي
وبالنسبه للدورات كل اسبوع ينزلوا دوره وحده
الله يعيننا والله تعبنا من التحديث والدورات اللي كل اسبوع

حسبي الله عليهم ونعم الوكيل الله لايبيحهم ولايوفقهم لا دنيا ولا آخرة
فاتني تدريب واحد ودخلت بعده يمكن اربع تدريبات والوضع عادي
ولما جاء قبل كم يوم تحسفوا وراحوا حذفوا مني تدريب ثاني ورا اللي مادخلته ع اساس ياخرون الصرف لي
مع انهم كانوا حاسبين دخولي وحلي للتدريب الله لايوفقهم بالله شسوي فيهم اشكيهم لله ياخذ حقنا منهم
الحين شباب توهم بأول العشرين يصرفون لهم 2000 واحنا الخريجين اللي من سنة جدي تعدينا ال 35 ماشفنا الا وظايف القطاع الخاص كم شهر ويسرحونا كننا عمالة عندهم وورانا بيوت ومسؤوليات يعطونا 1500 الى ماتوصل 1000 ريال ليش الله لايوفقكم انتم وفقيه الدجة اللي ماحط لبزاريننا حضانات ولارواتب مثل الخلق 2750 ريال للقطاع الخاص ونصه للسواق ونصه للشغالات اللي بالساعة ونصه للحضانات
ورفع اسعار الشغالات للعشرين وفوق عشان تنجبر الحريم على القعدة في البيت ووتترك وظايفها والزوج تكثر ديونه والاوضاع تتدهور الله يدهور حياته دنيا واخرة لاوظايف للقطاع الخاص كله للاجانب والرواتب لارواتب مثل الخلق والشغالات ماكفاه رفع اسعارهم راح وعطاهم الضو الاخضر يرفعون رواتب الخدم كل الجنسيات حتى الافارقة صارو 1200 من زين وضع السعوديين والا رواتبهم
اقسم بالله ان ماوقفنا وقفة رجل واحد وطالبنا بحقوقنا لاياكلونا لحم ويرمونا
لكن مااقول الا حسبنا الله فيكم ونعم الوكيييييييييييييييييييييييل

احمدي ربك مخالفه بدون خصم بعضهم خصم 125 ريال بسبب المخالفه
انتو فاهمين نظام حافز غلط اللي تنزل الاهليه نهايه شهر 8 تعتبر مخالفه رمضان لان الاهليه تنزل 27/ 8/ 1435 والصرف تنزل يوم 5/ 9 / 1435
كثير بنات على بالهم حق شعبان وهو رمضان
واخر رمضان نزلت حق شوال والبنات على بالهم رمضان يقولون كيف نرلت مخالفه شوال وهو رمضان
طبعا حق شوال قدموها صارت في رمضان اتستلمو مرتين
على فكره فيه بنات يدخلون من رابط التدريب مباشرة ماتعتبر تحديث لازم تدخل صفحة الاعضاء اذا تغير الوقت معناته تحديث وبس